Патологик физиология

Патогенезда специфик ва носпецифик механизмлар масаласи. 
Ҳар қандай касалликнинг патогенезида икки типли механизмлар 
носпецифик ва специфик механизмлар кузатилади. 
Носпецифик механизмларга типик патологик жараёнлар (яллигланиш, 
иситма, микроциркуляцияни ўзгариши, моддалар алмашинувининг бузилиши 
ва х. к.) киради. Улар тирик организмларнинг филогенетик тараққиётида 
специфик механизмлардан олдинроқ шаклланган нисбатан стереотипик ва 
генетик жихатдан олдиндан муҳрланган. Носпецифик механизмлар ҳамма 
вақт ҳар қандай этиологик омил таъсирига жавобан пайдо бўлади. 
Специфик механизмларга иммунитет ва аллергиянинг ҳужайра, 
гуморал омиллари киради. Улар организмнинг филогенетик тараққиётида 
носпецифик механизмлардан кейин шаклланган. Организмни специфик 
ҳимоя механизмлари генетик жихатдан: "бегона" моддаларга, жисмларга 
қарши (антигенлар, аллергенлар) йўналган, у моддалар иммунитетга 
ваколатли ҳужайраларни специфик (махсус) антителолар ишлаб чикаришни 
рагбатлантиради. Носпецифик ва специфик механизмлар бир - бири билан 
чамбарчас боғлиқ ва улар ўртасида аниқ чегара (фарқ) мавжуд эмас. Бу 
иккала механизм бири иккинчисини мукаммаллаштиради ва уларнинг ўзаро 
таъсири организмнинг ҳимоясини таъминлайди. 
Патогенезда организм реактивлигининг аҳамияти. 
Касалликларнинг патогенезида организмнинг реактивлиги катта 
аҳамиятга эга. Бир турдаги этиологик омилга ҳар хил организмлар турлича 
реакция қилади. 
Экспериментда аникланишича, шок чақирадиган травмалар 
(жарохатлар) кўрсаткичлари катталиклари бир турга кирувчи ҳайвонларни 
ҳар хил зотларида турличадир. Резистент зот билан сезувчан зот ўртасидаги 
катталик фарқи 10 ҳатто 20 мартани ташкил қилади. 
48 

---

Организмнинг фардий реактивлиги унинг ирсий хусусиятларига, 
ёшига, жинсига, шунингдек атроф муҳитнинг омилларига ҳамда 
организмнинг этиологик омил таъсир қилишдан олдинги ҳолатига боғлиқ. 
Шулардан келиб чиқиб, чақалоқлик даврини, 3-7 ёшли болаларни, 13-15 
ёшли ўсмирларни, катта ёшлиларни, қариларни касалликлари мавжудлиги 
эътироф қилинади. Эмадиган болалар кўп инфекцион (юкумли) касалликлар 
билан огримайдилар. 
Бу ходиса улар организмида пассив иммунитет мавжудлиги (эмбрионал 
тараққиёт даврида она организмидан иммун антителоларни ўтиши) билан 
боғлиқ, шунингдек МНСнинг етарлича ривожланмаганлиги ҳам аҳамиятга 
эга, чунки организм реактивлигини шикастланишида М Н С катта аҳамиятга 
эга. Болалар ҳар хил юқумли касалликлар (қизилча, қизамиқ, бўғма, ва ҳ.к.) 
га мойил бўлади. 
Яллиғланишли касалликларда болаларда катталарга қараганда ўткир ва 
генерализацияланган ўзгаришлар билан кечади, бу уларда мослашув 
механизмларини нисбатан етишмовчилиги билан боғлиқ. Усмирлик даврида 
ўсаётган организм катталарга Караганда очликни ҳар хил шаклларини 
таъсирига бардоши камроқ, уларда гиповитаминозлар, гипотрофиялар, 
анемиялар катталарга нисбатан осонроқ пайдо бўлади. 
Ёши катта инсонларда кўпинча юрак, томир, моддалар алмашинувини 
касалликлари учрайди. 
Қарилик даври учун моддалар алмашинуви бузилиши (масалан, 
атеросклероз) шунингдек, ўсмали жараёнлар хос ҳисобланади. Бу даврда 
организмни ҳар хил ташки шароитларга мослашиши қобилияти камаяди. 
Шундай қилиб, касалликлар патогенезида ташки этиологик омиллардан 
ташқари организмнинг ҳолати, айниқса унинг реактивлиги катта аҳамиятга 
эга.