Microsoft Word dinda savol3 ziyouz com doc

Bemor qanday namoz o‘qiydi? 

 

Savol: Padari buzrukvorim juda keksayib, turib namoz o‘qishga quvvatlari 

yetmaydigan holatga tushganlar. U kishi namozlarini o‘tirib o‘qisalar bo‘ladimi? 

Umuman, keksa va bemor kishilar namozi haqida ma’lumot bersangiz. 

Javob:  Turishga quvvati yetmaydigan yoki turganida dardi og‘irlashadigan yoxud 

boshi aylanadigan kishi namozini o‘ziga qulay holda o‘tirib ado qiladi. Biror narsaga 

suyanib bo‘lsa-da, tik tura oladigan kishi farz namozini o‘tirib o‘qishi durust emas. Qodir 

bo‘lguncha farz namozini turib o‘qishi lozim. 

Kasalligi ruku’ va sajda qilishga imkon bermaydigan kishi tik turishga qodir bo‘lsa-da, 

namozini o‘tirib o‘qiydi, ruku’ va sujudni imo bilan o‘tirgan holda engashib ado qiladi. 

Bunda sajdaga ruku’dan ko‘ra ko‘proq engashish kerak. 

Tik turishga ham, ruku’ va sajda qilishga ham quvvati yetmagan kishi o‘tirgan holda 

imo bilan namozini o‘qiydi. Sajda qilish uchun biror narsani baland qilib qo‘ymaydi. Zero, 

bu ish makruh bo‘ladi. Payg‘ambarimiz sollallohu alayhi vasallam: «Yerga bosh qo‘yib 

sajda qilolsang, sajda qil, bo‘lmasa, boshing ila imo etib sajdani ado et», deb marhamat 

qilganlar. 

Dard tufayli o‘tirishga ham yaramaydigan kishi chalqancha yotib, boshini baland va 

oyoqlarini bukkan holda qiblaga qilib, imo bilan namozini o‘qiydi. 

Boshi bilan imo qilishga ham kuchi yetmagan kishi namozini kechiktiradi. Undan 

namoz farzi soqit bo‘lmaydi. 

G’amxo‘ri yo‘q, kiyimi va joyi nopok bemor tayammum qilib, qodir bo‘lgan tomonga 

yuzlanib namozini ado qiladi. 

Bunday yengilliklar namozxonlarga berilgan ulkan marhamatdir. Muhimi, bir kunda 

besh vaqt farz bo‘lgan va mo‘minning me’roji hisoblangan namoz tark bo‘lmasin, 

Yaratganga munojot etish to‘xtamasin.