Ijtimoiy-gumanitar fanlar

 3. Zargarlik sanoatini yanada rivojlantirish chora 
tadbirlari to`g`risida Prezident qarori. 

---

O‘zbekiston Respublikasi Prezidentining Qarori 
2018-2020-yillarda O‘zbekiston Respublikasi 
zargarlik sanoatini yanada rivojlantirish chora-
tadbirlari to‘g‘risida Qayd etib o‘tilsinki, ushbu yilda 
respublikada qabul qilingan kompleks chora-
tadbirlar va bir qator normativ-huquqiy hujjatlar 
natijasida mahalliy zargarlik buyumlari ishlab 
chiqaruvchilari uchun qimmatbaho metallarni sotish 
va hisob-kitoblarni amalga oshirish mexanizmlari 
belgilandi va muayyan tartib joriy etildi, zargarlik 
buyumlarini sotishda chakana savdo tarmog‘i 
hamda ishlab chiqaruvchilar uchun soliq imtiyozlari 
taqdim etildi. Zargarlik san’atining ko‘p asrlik 
an’analarini tiklash va yanada rivojlantirish, mahalliy 
zargarlik buyumlari ishlab chiqarilishini 
rivojlantirish, zargarlik mahsulotlari ishlab 
chiqaruvchi korxonalar faoliyati samaradorligini 
oshirish uchun qulay shart-sharoitlar yaratish, ichki 
va tashqi bozorlarda mahsulotlarning 
raqobatdoshligini ta’minlash, shuningdek, aholining 
yuqori sifatli mahalliy zargarlik buyumlariga bo‘lgan 
talabini qondirish maqsadida: 1. O‘zbekiston 
Respublikasi Iqtisodiyot vazirligi, Moliya vazirligi, 
O‘zbekiston Respublikasi Markaziy bankining 
O‘zbekiston zargarlik sanoati uyushmasini (keyingi 

---

o‘rinlarda — “O‘zbekzargarsanoati” uyushmasi) 
tashkil etish to‘g‘risidagi taklifi ma’qullansin. 2. 
Quyidagilar “O‘zbekzargarsanoati” uyushmasining 
asosiy faoliyat yo‘nalishlari etib belgilansin: birinchi, 
O‘zbekistonning turli hududlarida zargarlik 
san’atining ko‘p asrlik an’analarini saqlash va 
rivojlantirish; ikkinchi, zargarlik tarmog‘ini 
rivojlantirish bo‘yicha qabul qilingan dasturiy 
choratadbirlarni amalga oshirishni 
muvofiqlashtirish, ilmiy-texnikaviy, texnologik, 
investitsiyaviy va eksport siyosatini izchil olib borish; 
uchinchi, tayyor zargarlik mahsulotlari ishlab 
chiqarish hajmlarini oshirish va sifatini yaxshilash 
bo‘yicha ishlarni samarali tashkil etish, uning 
dizaynida talab etilayotgan yo‘nalishlar va 
texnologiyalarni ko‘proq o‘zlashtirish, xalqaro 
talablarga muvofiq zargarlik mahsulotlarini 
sertifikatlashtirish va standartlashni ta’minlash, sifat 
menejmentining zamonaviy usullarini keng joriy 
etish; to‘rtinchi, mahsulotlarni sotish bozorlarini 
kengaytirish bo‘yicha marketing tadqiqotlari 
o‘tkazish, ichki va tashqi bozorlarda zargarlik 
buyumlariga bo‘lgan narxlarni monitoring qilish, 
zargarlik mahsulotlari eksporti hajmlarini oshirish, 
zargarlik mahsulotlariga bo‘lgan narxlarni 

---

shakllantirishga oid maqbul mexanizmni ishlab 
chiqish bo‘yicha takliflar va tavsiyalar berish; 
beshinchi, dunyo bozorlarida raqobatbardosh 
bo‘lgan, yuqori likvidli zargarlik mahsulotlari va 
qimmatbaho metallar va toshlardan yasalgan san’at 
mahsulotlari ishlab chiqarilishini tashkil etish, 
to‘g‘ridan to‘g‘ri chet el investitsiyalarini hamda 
zamonaviy texnologik uskunalar va innovatsiyaviy 
izlanishlarni tatbiq etish tajribasiga ega xorijiy 
investorlarni jalb etish; oltinchi, 
“O‘zbekzargarsanoati” uyushmasi tarkibiga kiruvchi 
tashkilotlarga normativhuquqiy bazani 
takomillashtirish bo‘yicha takliflarni ishlab chiqish 
orqali davlatdan yordam olishida ko‘maklashish, 
imtiyoz va preferensiyalar taqdim etish, xalqaro 
moliya institutlari mablag‘larini hisobga olgan holda, 
xorijiy investitsiyalarni jalb etish; yettinchi, zargarlik 
sanoati uchun tizimli professional kadrlar 
tayyorlashni tashkil etish va yangi ish o‘rinlari 
yaratish. 3. “O‘zbekzargarsanoati” uyushmasining 
tashkiliy tuzilmasi va markaziy apparatining 
boshqaruv xodimlari cheklangan soni 16 nafardan 
iborat tuzilmasi 1- va 2-ilovalarga muvofiq 
ma’qullansin. “O‘zbekzargarsanoati” uyushmasi 
raisiga, zarur hollarda “O‘zbekzargarsanoati” 

---

uyushmasi markaziy apparatining tuzilmasiga 
boshqaruv xodimlarining belgilangan umumiy 
cheklangan soni doirasida o‘zgartirishlar kiritish 
huquqi berilsin. 4. Belgilab qo‘yilsinki: 
“O‘zbekzargarsanoati” uyushmasi O‘zbekiston 
Respublikasi Vazirlar Mahkamasining 
Makroiqtisodiy tahlil va prognozlashtirish, moliya va 
bank tizimlarini isloh qilish, xususiy tadbirkorlik va 
kichik biznesni rivojlantirish masalalari kompleksi 
tarkibiga kiradi; xususiy tadbirkorlar erkin ravishda 
yagona tashkilotga birlashish yo‘li orqali 
“O‘zbekzargarsanoati” uyushmasida qatnashishlari 
mumkin; “O‘zbekzargarsanoati” uyushmasining raisi 
va uning o‘rinbosarlari muassislar umumiy 
yig‘ilishining qarori bilan saylanadi, O‘zbekiston 
Respublikasi Vazirlar Mahkamasi tomonidan 
lavozimiga tasdiqlanadi hamda maqomiga ko‘ra 
tegishli ravishda vazirning birinchi o‘rinbosari va 
vazir o‘rinbosariga tenglashtiriladi; 
“O‘zbekzargarsanoati” uyushmasi ijro etuvchi 
apparatining joriy ta’minoti va faoliyatini 
moliyalashtirish uning tarkibiga shartnoma asosida 
kiruvchi zargarlik sohasi tashkilotlarining ajratmalari 
hamda qonun hujjatlarida taqiqlanmagan boshqa 
manbalar hisobidan amalga oshiriladi. 5. 

---

Quyidagilarni o‘z ichiga olgan 2018 — 2020- yillarda 
zargarlik sanoatini yanada rivojlantirish bo‘yicha 
chora-tadbirlar Dasturi: 2018 — 2020-yillarda asosiy 
turdagi zargarlik buyumlari ishlab chiqarishning 
maqsadli parametrlari 3-ilovaga muvofiq; zargarlik 
sanoatini shakllantirish, rivojlantirish va davlat 
tomonidan qo‘llab quvvatlash bo‘yicha kompleks 
tadbirlar (“yo‘l xaritasi”) 4-ilovaga muvofiq 
tasdiqlansin. 6. “O‘zbekzargarsanoati” uyushmasini 
tashkil etish va zargarlik tarmog‘ini rivojlantirish 
bilan bog‘liq tashkiliy chora-tadbirlarni amalga 
oshirishni muvofiqlashtirish va amaliy yordam 
ko‘rsatish Ishchi guruhi 5-ilovaga muvofiq tuzilsin. 
“O‘zbekzargarsanoati” uyushmasini tashkil etish va 
zargarlik tarmog‘ini rivojlantirish bilan bog‘liq 
tashkiliy chora-tadbirlarni amalga oshirishda 
qatnashayotgan Ishchi guruh rahbari O‘zbekiston 
Respublikasi Bosh vazirining o‘rinbosari J.A. 
Qo‘chqorov, iqtisodiyot vaziri G.K. Saidova, moliya 
vaziri B.A. Xodjayev, O‘zbekiston Respublikasi 
Markaziy banki raisi M.B. Nurmurodov, vazirliklar, 
idoralar va tashkilotlar rahbarlari zimmasiga mazkur 
qarorning 3- va 4-ilovalarida nazarda tutilgan 
tadbirlarni sifatli va to‘liq hajmda bajarish yuzasidan 
shaxsiy javobgarlik yuklansin. 7. 

---

“O‘zbekzargarsanoati” uyushmasi O‘zbekiston 
Respublikasi Iqtisodiyot vazirligi, O‘zbekiston 
Respublikasi Investitsiyalar bo‘yicha davlat qo‘mitasi 
uch oy muddatda 2018 — 2020- yillarda zargarlik 
mahsulotlarini ishlab chiqarish bo‘yicha mavjud 
quvvatlarni modernizatsiya qilish va yangi 
quvvatlarni tashkil etish bo‘yicha loyihalarni amalga 
oshirishga oid manzilli dasturni tasdiqlash uchun 
O‘zbekiston Respublikasi Vazirlar Mahkamasiga 
kiritsin. 8. O‘zbekiston Respublikasi Davlat geologiya 
va mineral resurslar qo‘mitasi mineral-xomashyo 
bazasini rivojlantirish va qayta to‘ldirish bo‘yicha har 
yillik davlat dasturlari doirasida zargarlik va badiiy 
buyumlarga yaroqlilik darajasini hisobga olgan 
holda, zargarlik sanoati ehtiyoji uchun qimmatbaho 
va yarim qimmatbaho toshlar konlarini qidirish va 
sanoat yo‘li bilan o‘zlashtirishni ta’minlasin. 9. 
“O‘zbekzargarsanoati” uyushmasi O‘zbekiston 
Respublikasi Oliy va o‘rta maxsus ta’lim vazirligi 
bilan birgalikda ikki oy muddatda zargarlik tarmog‘i 
uchun malakali kadrlar tayyorlashni tashkil etish, 
ilg‘or oliy va o‘rta maxsus, kasbhunar ta’limi 
muassasalarida, shu jumladan xorijiy muassasalar 
negizida ularning malakasini oshirish bo‘yicha 
O‘zbekiston Respublikasi Vazirlar Mahkamasiga 

---

taklif kiritsin. 10. 2021-yilning 1-yanvarigacha 
“O‘zbekzargarsanoati” uyushmasiga kiradigan 
zargarlik mahsulotlari ishlab chiqaruvchilari 
tomonidan olib kelinadigan, O‘zbekiston 
Respublikasida ishlab chiqarilmaydigan, uskunalar, 
xomashyo, materiallar va butlovchi qismlar 
belgilangan tartibda tasdiqlanadigan ro‘yxatlar 
bo‘yicha bojxona to‘lovlaridan (bojxona 
rasmiylashtiruvi yig‘imlaridan tashqari) ozod etilsin; 
11. “O‘zbekzargarsanoati” uyushmasiga davlat 
bojini to‘lamagan holda Uyushma a’zolarining 
manfaatlarini ko‘zlagan ko‘rinishdagi da’vo arizalari 
berish, davlat organlari qarorlari, ushbu organlar 
mansabdor shaxslarining harakatlari (harakatsizligi) 
ustidan sudga shikoyat qilish huquqlari berilsin. 12. 
“O‘zbekzargarsanoati” uyushmasi Toshkent shahri, 
Chilonzor tumani, 9-kvartal, S. Yusupov ko‘chasi, 50-
uyda joylashgan “Fonon” davlat ilmiy-ishlab 
chiqarish korxonasi binosiga bepul foydalanish 
huquqi bilan joylashtirilsin. 13. O‘zbekiston 
Respublikasi Axborot texnologiyalari va 
kommunikatsiyalarini rivojlantirish vazirligi 
“O‘zbekzargarsanoati” uyushmasini belgilangan 
tartibda telekommunikatsiya tarmoqlariga, 
jumladan, hukumat aloqasiga ulanishini ta’minlasin. 

---

14. O‘zbekiston Respublikasi Prezidentining 
“O‘zbekiston Respublikasi Vazirlar Mahkamasining 
ijro etuvchi tuzilmasini takomillashtirishga doir 
qo‘shimcha choratadbirlar to‘g‘risida” 2017-yil 12-
iyundagi PQ3051-sonli qarorining 10-ilovasidagi 
“Vazirliklar, idoralar, xo‘jalik birlashmalari va boshqa 
tashkilotlar” bo‘limi quyidagi mazmundagi 151 
bandi bilan to‘ldirilsin: “151 . “O‘zbekzargarsanoati” 
uyushmasi”. 15. O‘zbekiston Respublikasi 
Iqtisodiyot vazirligi, “O‘zbekzargarsanoati” 
uyushmasi, O‘zbekiston Respublikasi Adliya vazirligi 
va boshqa manfaatdor vazirliklar va idoralar bilan 
birgalikda ikki oy muddatda qonun hujjatlariga 
ushbu qarordan kelib chiqadigan o‘zgartirish va 
qo‘shimchalar to‘g‘risida O‘zbekiston Respublikasi 
Vazirlar Mahkamasiga takliflar kiritsinlar. 16. 
Mazkur qarorning ijrosini nazorat qilish O‘zbekiston 
Respublikasi Bosh vazirining o‘rinbosari J.A. 
Qo‘chqorov va O‘zbekiston Respublikasi iqtisodiyot 
vaziri G.K. Saidova zimmasiga yuklansin.

---

Foydalanilgan adabiyotlar:
O‘zbekiston Respublikasi Prezidenti Sh. MIRZIYOYEV 
Toshkent sh., 2017-yil 15-noyabr, PQ-3388-son 
O‘zbekiston Respublikasi Prezidentining 2017-yil 15-
noyabrdagi PQ-3388-son qaroriga 1-ILOVA 
“O‘zbekzargarsanoati” uyushmasining TAShKILIY 
TUZILMASI. 

---

Xulosa
Xulosa o‘rnida shuni qayd etish joizki, 
respublikamizda bu borada mavjud boy mineralxom 
ashyo bazasidan samarali foydalangan holda 
zargarlik sanoatini istiqbolda Markaziy Osiyoda eng 
yetakchi ishlab chiqaruvchi sohalardan biriga 
aylantirishimiz lozim bo‘ladi. O‘zbekistonning turli 
hududlarida zargarlik san’atining ko‘p asrlik 
an’analarini saqlash va rivojlantirish; ikkinchi, 
zargarlik tarmog‘ini rivojlantirish bo‘yicha qabul 
qilingan dasturiy choratadbirlarni amalga oshirishni 
muvofiqlashtirish, ilmiy-texnikaviy, texnologik, 
investitsiyaviy va eksport siyosatini izchil olib borish; 
uchinchi, tayyor zargarlik mahsulotlari ishlab 
chiqarish hajmlarini oshirish va sifatini yaxshilash 
bo‘yicha ishlarni samarali tashkil etish, uning 
dizaynida talab etilayotgan yo‘nalishlar va 
texnologiyalarni ko‘proq o‘zlashtirish, xalqaro 
talablarga muvofiq zargarlik mahsulotlarini 
sertifikatlashtirish va standartlashni ta’minlash, sifat 
menejmentining zamonaviy usullarini keng joriy 
etish; to‘rtinchi, mahsulotlarni sotish bozorlarini 
kengaytirish bo‘yicha marketing tadqiqotlari 
o‘tkazish.

---

Mavzu:Sanoatda mehnat salohiyatidan foydalanish 
ko’rsatkichlarini yaxshilash. 
Reja:
Kirish
1.Asosiy fondlarning iqtisodiy mohiyati va 
ahamiyati, tarkibi va tuzilishi
2.Asosiy fondlarni baholash usullari
3.Asosiy fondlarning eskirishi va amortizatsiyas 
Foydalanilgan adabiyot 
Xulosa 

---