Farmakologiya

Immun tizimiga ta’sir etuvchi dori vositalari
Ma’lumki, immun tizimi organizmda muhim vazifani
bajaradi — immunitetni ta’minlaydi. Immunitet organizmning
kasallik keltirib chiqaradigan mikroorganizmlarga va ularning
toksinlariga qarshi kurashish qobiliyatidir. Immunitet tufayli
organizm yuqumli kasalliklarga bo‘lgan chidamlilikni ta’minlaydi.
Bundan tashqari, organizmga yot bo‘lgan antigen xususiyatli
moddalar, mikroorganizmlar, viruslar, zamburug‘lar tushganda,
yot to‘qima va a’zolar ko‘chirib o‘tkazilganda immunitet paydo
bo‘ladi. U organizmning limorand to‘qimasi tomonidan bajariladi.
Immunitet gumoral va hujayrali bo‘ladi. Gumoral immunitetni
limfotsit hujaraylar bajarsa, hujayra immunitetini alohida hujayralar
ta’minlaydi.
Ayrim kasalliklarda va turli moddalar ta’sirida immun tizim
faoliyati o‘zgaradi. Shu paytda qo‘llaniladigan dori vositalari
immunomodulatorlar deyiladi. Ular ta’sir mexanizmiga ko‘ra
immunostimulatorlar va immunodepressantlarga bo‘linadi. Im-
munostimulatorlarga timolin, t-aktivin, timogen, natriy nuk-
leinat, levomizol va boshqalar kiradi. Ular ta’sirida organizm-
ning yuqumli kasalliklarga chidamliligi ortadi.
Keyingi paytlarda bunday dori preparatlariga ehtiyoj ortib
boryapti. Buning asosiy sababi immunogenezning zaiflashishi
bilan kechadigan kasalliklarning (nur kasalligi, OITS va
boshqalar) ko‘payib borishidir.