1-мавзу. “Олдиндан зўриқтирилган темир-бетон конструкциялар технологияси” фанига кириш

 
5.3 Йиғма темир-бетон конструкцияларини завод шароитида тайёрлаш 
технологияси 
Йиғма темир-бетон конструкцияларини завод шароитида тайёрлаш 
технологияси асосий агрегат оқим, конвеер ва стенд усулларда
бажарилади. Кассета усули стенд усулининг бир туридир. 
Қуйида олдиндан зўриқтирилган темир-бетон конструкцияларини
завод шароитида тайёрлашнинг асосий усулларини кўриб чиқамиз. 
5.3.1 Агрегат оқим усули 
Конструкцияларни тайёрлашнинг агрегат оқим усули технологик
жараённи турли типдаги операцияларни оқимда бир маромда олиб бориб,
алоҳида операция ёки уларнинг маълум бир гуруҳларини универсал
агрегатларда, қолипдаги маҳсулотни постдан постга кўчиб юриш орқали 
амалга оширилади (5.4 - расм). 
5.4 - расм. Ишлаб чиқаришнинг агрегат оқим усулининг схемаси:
1 – бетон жойлагич; 2 – сексияли вибромайдонча; 3 – ўзи юрар арава – қолип 
ташувчи; 4 – иссиқлик ишлов бериш камераси; 5 – қолипни бўшатиш пости; 6 – 
қолипни тайёрлаш пости; 7 – ўзи юрар арава 
Маҳсулот ва қолиплар постдан постга ушбу иш жойидаги операцияга 
ажратилган вақтга қараб эркин холда кўчириб ўтказилиб туради. Қолип
ва маҳсулотлар операциялар ўртасида кўтариш-транспорт ва ташиш
воситалари ёрдамида амалга оширилади. 
Агрегат оқим технологияси технологик ва транспорт ускуна,
иссиқлик ишлов бериш режимини бошқариш ва хаттоки кўп турдаги
маҳсулотларни ишлаб чиқаришдаги юқори мослашувчанлиги билан ажралиб 
туради (5.5 - расм). 
Агрегат оқим тизимида вибромайдончада бир маҳсулотга
мўлжалланган вибромеханизмсиз ковак ҳосил қилувчили қолипларда темир-
бетон қозиқлар, пойдевор блоклари, босимсиз қувурлар, кўпковакли
панеллар, бир ковакли таянчлар ва қозиқларни тайёрлаш мумкин. Кўп
ковакли панелларни вибромеханизмлар билан жиҳозланган ковак ҳосил
қилувчилар мавжуд постларда, босимли ва босимсиз қувурлар роликли ва
тасмали стентрефугаларда ажратиладиган ва ажралмайдиган қолипларда,

---

ичи бўш колонналар, тарновлар, электр узариш тизими ва ёритиш
таянчлари, махсус ускуналарда виброгидропрессланган босимли қувурлар ва 
кўпгина буюм ва маҳсулотлар ишлаб чиқарилади.