Házirgi qaraqalpaq ádebiyatı hám ádebiy process 1-tema: Kirisiw, házirgi qaraqalpaq ádebiyatı pániniń maqseti hám wazıypaları

9.
 
Нурмухамедов М. Шығармаларының еки томлығы. II том. – Нөкис: 
Қарақалпақстан, 1985. – 440 бет. 
 
 
 
14-tema: KEŃESBAY RAXMANOV DÓRETIWSHILIGI 
 (1942-2004) 
Jobası: 
1. Shayırdıń ómiri haqqında. 
2. Poeziyası. 
3. Prozalıq shıǵarmaları. 
4. Dramaları. 
Tayanısh sózler
: 
altılıq, segizlik, dramatizm, povestler.
Shayır, jazıwshı, dramaturg hám jurnalist Keńesbay Raxmanov 1942 –jılı 18-sentyabrde 
Kegeyli rayonınıń "Jalpaq jap" awıl keńesinde tuwılǵan. Óz awılındaǵı orta mektepti pitkerip, 
eki jıl awıl xojalıǵında jumıs isleydi. 1961-jılı házirgi Ájiniyaz atındaǵı pedinstitutqa oqıwǵa 
túsedi. 1969-jılı institutı pitkergen soń Qaraqalpaqstan radiotelevideniesinde dáslep redaktor, 
úlken redaktor, soń bas redaktor bolıp isleydi. 1978-jıldan baslap S.xojaniyazov atındaǵı jas 
tamashagóyler teatrınıń ádebiy bóliminiń baslıǵı boladı. 1981-1989-jılları "Ámiwdárya" 
jurnalınıń poeziya bóliminiń baslıǵı, sońıraq Nókis teleradio orayı direktorınıń orınbasarı, 
Qaraqalpaqstan Jazıwshılar awqamınıń korkem ádebiyattı násiyatlaw byurosınıń direktorı boldı. 
Onıń eń dáslepki qosıǵı "Tawıq" 1958-jılı "Jetkinshek" gazetasında járiyalandı. 1972-
jıldan Jazıwshılar awqamınıń aǵzası. 
K.Raxmanov-lirik shayır.
Poemaları.
Shayırdıń "Bult hám quyash", "Jambasqala", "Sen haqqında qosıq", "Báhár 
hám ǵarrılar", "Tań ashıǵı", "Qardaǵı iz", "Shól dástanı", "Jasasın paraxatshılıq", "Tazadan 
kelgen oqıwshı" poemaları bar.
"Tazadan kelegn oqıwshı" poeması balalar turmısınan alıp jazılǵan. Waqıya Batır degen 
balanıń tilinen bayanlanadı. Awıl mektebi. Kópshilik oqıwshılar 3-4 shaqırım jerden qatnap 
oqıydı. Úsh aylıq jazǵı dem alıs tamamlanıp, sentyabr ayınıń basında mektepte oqıw baslanadı. 
Batır oqıytuǵın klassqa Kamal Orazov degen tazadan oqıwshı keledi. Ol mektep kitapxanasında 
qızıqlı kitaplardıń joq ekenligin aytıp, kitapxanashıǵa eskertiw jasaydı. Ol burın qalada jasaǵan, 

---

104 
ákesiniń kolxozǵa direktor etip tayınlanıwına baylanıslı awıǵa kóship kelgen. Oqıwshılarǵa kitap 
oqıwǵa másláhát beredi. Kamal barlıq pánlerden jaqsı oqıw menen birge, jámiyetlik jumıslarǵa 
da aktiv qatnasadı.