Toshkent davlat pedagogika universiteti ilmiy axborotlari ilmiy-nazariy jurnali

“Аlifboni yodlaymiz”
mashqi. Barcha ishtirokchilardan o‘zbek alifbosi so‘raladi. 
Ishtirokchilar alfavitni aytib berishadi. Keyin esa alfavitni qog‘ozga yozib olishadi. Endi 
ishtirokchilarga alfavitni teskari yodlash uchun 10 daqiqa vaqt beriladi. Аlfavitni teskari yodlash 
davomida inson tafakkuri nostandart fikrlashga tushadi va bu tafakkurning faoliyatini 
mukammallashtirishga xizmat qiladi. Mashqni ingliz tili, rus tili alfavitlarini teskari yodlash 
vazifasi bilan murakkablashtirib borish mumkin. 
Trener maʼruzasi.
Tafakkurning xususiyatlari turlari haqida maʼlumot berilib, psixologik 
yetuklik, shaxs xulqini turli yashash sharoitlariga moslashuvchanligida ifodalanishini aytib o‘tadi. 
Psixologik yetuklik shaxsning boshqa odamlarga nisbatan bo‘lgan ijobiy munosabatlari: 
hamdardlik, hamfikrlik, g‘am-tashvishga sherik bo‘la olish, o‘zaro yordam kabilar tarzida 
namoyon bo‘la oladigan maʼnaviy sifatlarning tarkibiy jihatlarini o‘zida biriktiradi.
Psixologik yetuklikning muhim mezonlaridan biri shaxsda oilaviy muammolarni adolatli hal 
etishga xizmat qiluvchi o‘z mustaqil fikri, qarashi, pozitsiyasi bo‘lishi, zarur bo‘lganda oila 
manfaatida o‘z qarashlarini ota-onalari oldida himoya qila olishidir.
Yakunlash. 
Har bir ishtirokchiga koptok tashlanib, undan bugungi trening mashqlari 
yordamida olgan bilimlari so‘ralib, qayta aloqa hosil qilinadi. Olingan javoblar umumlashtirilib, 
yakuniy fikr aytiladi. 
Keyingi kun mashg‘ulotlari ham xuddi shu tarzda oldindan tuzilgan dastur asosida olib 
boriladi. Dasturdan ko‘zlangan asosiy maqsad talabalar tafakkuri va maʼnaviyatini rivojlantirish 
orqali kasbiy yuksaltirish, keng dunyoqarashni shakllantirish, o‘zini, odamlarni va olamni to‘g‘ri 
anglashga, o‘z kasbiy yo‘nalishining inson uchun qiymatini anglashga o‘rgatishdan iborat. 
MUSIQA TA’LIMI IJTIMOIY VA MADANIY TARBIYA VOSITASI SIFATIDA