Toshkent davlat pedagogika universiteti ilmiy axborotlari ilmiy-nazariy jurnali

Аsosiy qism. Psixokorreksion mashq 
“Baxtiyor damlar” mashqi 
Maqsad:
asab tizimini tinchlantirish, ishtirokchilarni psixologik qo‘llab-quvvatlash. 
O‘tkazish tartibi: 
Sokin musiqa qo‘yiladi, ishtirokchilar o‘zlarini bo‘sh qo‘yib, ko‘zlarini yumgan holda trener 
tomonidan aytilgan narsalarni tasavvur qiladilar. 
Trener so‘zi: 
O‘zingizni baxtiyor, xursand his etgan damni eslang, o‘shanda qayerda, kimlar bilan 
ekanligingizni yodga oling, hozir ham o‘zingizni xuddi o‘sha joyda deb tasavvur qiling. Siz buni 
yodga oldingiz va hozir ham xuddi shunday narsalarni his etyapsiz, siz o‘sha paytdagi holatingizni 
qanday atardingiz: 
–
shodlik, xursandchilik, bemalollik, betashvishlik, quvonch, baxt... 
O‘sha baxtiyor damlaringiz o‘tmishda qolgan bo‘lishi mumkin, ammo undagi xursandchilk, 
kayfiyat doimo siz bilan qoladi. O‘sha paytdagi tuyg‘ularingizni his qilgan holda hozirgi 
holatingizga qayting. 
Trener so‘zini tugatgach ishtirokchilar ko‘zlarini ochadilar. Xohlagan ishtirokchi his qilgan 
kayfiyat haqida gapirib berishi mumkin. 
«Fikran sayohat» mashqi. 
Tasavvur qiling, siz qo‘lingizda apelsin ushlab turibsiz. Siz 
qanday tuyg‘uni sezayotganligingizni, uni qanday ko‘rinayotganligi va u qanday hid 
taratayotganligini tasavvur qiling.
Uning timsolini lahzali namoyon bo‘lishi bilan bir qatorda aniqroq ifodalashga harakat 
qiling. Hozir sekin-astalik bilan apelsinni qismlarga ajrating, kichkina bir bo‘lagini tishlab ko‘ring. 
83

---

TOSHKENT DAVLAT PEDAGOGIKA UNIVERSITETI
 
ILMIY AXBOROTLARI 2020/6 
So‘ngra bo‘laklarni diqqat bilan o‘rganishga harakat qiling. Endi apelsin bo‘laklarini bir necha 
ming barobar va million barobar kattalashgan holatini qanday ko‘rish mumkinligini o‘zingizdan 
so‘rab ko‘ring. 
Keyingi bir necha daqiqa davomida siz apelsin haqida maʼlum bo‘lgan narsalarni eslab 
ko‘ring. Buning uchun apelsin nima qilib berishi mumkin, uning mazasi nimada, yer yuzida 
apelsinning nechta turi bor, yetilish vaqtida apelsinda qanday o‘zgarishlar bo‘ladi, apelsindan 
qanday foydalanish mumkin va yaxshi apelsin murabbosi olishda nima qilish kerakligi haqida 
o‘ylab ko‘ring.