Toshkent davlat pedagogika universiteti ilmiy axborotlari ilmiy-nazariy jurnali

 
ILMIY AXBOROTLARI 2020/6 
Ikkinchidan,
taʼlim muassasasida psixologik xizmat to‘g‘ri yo‘lga qo‘yilmaganligi, yaʼni 
o‘quvchilarning temperamentlari to‘g‘ri aniqlanmaganligi, ularning xulq-atvorlaridagi og‘ishlarni 
o‘z vaqtida bartaraf etish bo‘yicha tavsiyalar berilmayapti. 
Uchinchidan,
profilaktik ishlarni tizimli tashkil etilmaganligi, tarbiyasi og‘ir, jinoyat sodir 
etishga moyil o‘quvchilar hamda ularning ota-onalari bilan ishlash bo‘yicha huquqni muhofaza 
qiluvchi idoralar bilan hamkorlik to‘g‘ri yo‘lga qo‘yilmaganligidir. 
To‘rtinchidan,
huquqshunoslikka oid fanlardan dars berayotgan pedagoglarning malaka 
darajasi. Taʼlim muassasasida huquqiy bilimlarning talab darajasida berilishi uchun pedagogning 
shu mutaxassislikda bo‘lishi muhim sanaladi. Zero, huquqiy munosabatlarning murakkab 
tushunchalarini o‘quvchilarga to‘g‘ri va aniq yetkazib berish uchun pedagog, avvalo, o‘zi bu 
munosabatlar mohiyatini chuqur anglab yetishi zarur. 
Beshinchidan,
o‘quvchi yoshlar ongida qonunlarga itoatkorlik, o‘zgalar huquqlarini hurmat 
qilish, jinoyat uchun jazoning muqarrarligini anglash kabi tushunchalarning to‘g‘ri 
shakllantirilmaganligidadir. 
Huquqiy taʼlim samaradorligini oshirishning yana bir muhim tomoni shundaki, taʼlim 
beruvchilarning o‘zlari zarur hajmdagi huquqiy bilimlar bilan qurollangan bo‘lishi va yoshlarda 
huquqiy ongni shakllantirish, ularni huquqiy madaniyatini oshirish uslubiyatini egallagan bo‘lishi 
lozim. 
Yoshlar huquqni bilsa, tasavvur qilsa-yu, ammo huquqiy ko‘rsatmalarni ijro etilishida passiv 
munosabatda bo‘lsa, bu huquqiy ongni to‘laqonli shakllanmaganligini yaqqol ko‘rsatadi
1
.
Umumiy ta’lim jamiyat rivojida zarur tayanch bo‘lsa, huquqiy ta’lim-tarbiya demokratik 
huquqiy davlatning poydevoridir. 
Umumiy o‘rta taʼlim tizimi o‘quvchi yoshlarining huquqiy madaniyatini shakllantirishda 
huquqiy fanlarning ahamiyati shundan iboratki, bu fanlar orqali o‘quvchilarga nafaqat huquqiy 
bilimlar berib borilishi, balki qonunlarni hurmat qilish, ularga amal qilishni ham shakllantirib 
borish zarur. Buning uchun huquqshunos pedagoglardan kuchli bilim bilan bir qatorda maʼnaviy 
yetuklik va kasbiy mahorat ham talab etiladi. Zero, ertangi kunimiz tayanchi bo‘lgan 
yoshlarimizning huquqiy madaniyati shu soha fidoyilariga bog‘liqdir.