2 O„zbekiston respublikasi oliy va o„rta maxsus ta‟lim vazirligi

 
Biologiyasi. 
No„xat o„zidan changlanadigan o„simlik. No„xat issiqsevar 
o„simlik, ammo urug„i 3-5 °C da unib chiqadi, maysalari -8-10 °C sovuqqa 
bardosh beradi. Gullash va dukkaklanish davrlarida issiqlikka talabchan bo„ladi. 
O„zbekistonda qishlab chiqadigan shakllari mavjud. Yorug„sevar uzun kun 
o„simligi. Dukkakli-don ekinlari orasida qurg„oqchilikka chidamli o„simliklar. 
Namgarchilik mo„l bo„lganda askoxitozdan ko„p zararlanadi. Tuproqni uncha 
tanlamaydi, sho„rlangan, unumdorligi past, qumloq yerlarda kam hosil beradi. 
O„sish sharoiti va navlariga qarab o„suv davri 65-140 kun bo„lishi mumkin.
Navlar. 
Davlat Reestriga kiritilgan navlar: Jahongir, Iroda-96, Zumrad, 
Lazzat, Polvon, Uzbekistanskiy-32, Yulduz, Malxotra, Xalima.

---

198 
Yetishtirish texnologiyasi 
 
O„tmishdosh. 
No„xat tuproqni azot bilan boyitadi, no„xatdan keyin dala toza 
holatda qoladi. No„xat ekish uchun ham dala begona o„tlardan toza bo„lishi kerak. 
No„xat uchun yaxshi o„tmishdosh-kuzgi donli ekinlar, poliz ekinlar, makkajo„xori, 
kungaboqar, bir va ko„p yillik o„tlar. No„xatdan keyin kartoshka, g„o„za, 
makkajo„xori, boshoqli donli ekinlar ekish tavsiya etiladi. No„xatni no„xatdan 
keyin ekish tavsiya etilmaydi, chunki kasallik va zarakunandalar ko„payadi.
Oxirgi yillari no„xat sug„oriladigan sharoitda yetishtirilmoqda. Bunda no„xat 
donli ekinlar va g„o„zadan keyin ekiladi.
No„xat donli ekinlar uchun yaxshi o„tmishdosh deb hisoblanadi. Bir 
gektarda no„xat 40 kg/ga sof azot qoldiradi. 
 
Yerga ishlov berish. 
Dala o„simlik qoldiqlaridan tozalanadi, 200 kg 
ammofos va 100 kg kaliy o„g„iti solinadi. Yer 22-25 sm chuqurlikda 
shudgorlanadi. Bunda PD-3-35, PD-4-35, PYA-3-35 rusumli texnika qo„ddaniladi. 
Kuzda ekish uchun dala tozalanadi, 2 marotaba chizel yurgiziladi 16-18 sm 
chuqurlikda, so„ngra borona yurgiziladi. Bohorda ekish uchun erta bahorda 2 
marotaba borona «zig-zag» yurgiziladi. Ekishdan oldin 16-18 sm chizel qilinadi va 
mola bosiladi.