Namangan davlat universiteti b. T. Ataxanov, M. B. Isabayev fuqarolik jamiyati fanidan

 
siyosiy tizim rivojlanishi, ustivor qadriyatlari, me'yorlari, maqsadlariga doir yakdil 
bo‗lgan fuqarolar birligi. 
MILLATCHILIK
— millat ayirish; o‗z millatining haqhuquqlarini boshqa 
millatlar haq-huquqidan yuqori qo‗yish, o‗z ehtiyojlari va manfaatlarini o‗ylab, boshqa 
millatning yoki boshqa xalqlar vakillarining ehtiyoj va manfaatlarini nazar-pisand 
qilmaslik. M. milliy biqiqlik, millatparastlikka asoslanib, milliy nizo, ixtiloflarga 
sababchi bo‗ladi, jamiyat hayotini, tinchlik va barqarorlikni izdan chiqarishi mumkin. M. 
va «tajovuzkor M.» tushunchalarini farqlash lozim. M. o‗z millatining manfaatlarini 
yuqori qo‗yishga intilish orqali bir millatni bilib-bilmay ulug‗lab, bu bilan milliy 
totuvlikka xavf tug‗dirsa, tajovuzkor M. jamiyatdagi hamjihatlikka ochiq-danochiq qarshi 
chiqadi. M. ayrim soxta millatparvarlik g‗oyalariga tayanib, milliy o‗zligini anglash bilan 
bog‗liq milliy til, milliy ruhiyat, milliy ong, milliy g‗urur, milliy-ma'naviy qadriyatlar va 
shu kabilarni qurol qilib oladi. Aslida M.da milliy o‗zligini anglash yotdir. Chunki, milliy 
o‗zligini anglash o‗z milliy xususiyatlari va o‗ziga xoslikni tan olish bilan birga boshqa 
millatlarga xos barcha fazilatlar va qadriyatlarni ham e'tirof etish va ulardan 
foydalanishni taqozo qiladi. M.ning siyosiy tusda namoyon bo‗lishi salbiy oqibatlar 
keltirib chiqaradi, davlat va millatning xavfsizligigagina emas., ayni vaqtda mintaqaviy, 
keng ko‗lamli xavfsizlikka tahdid soluvchi kuchga aylanadi. Tajovuzkor M. shovinizm, 
buyuk davlatchilik shovinizmi, irqchilik, fashizm g‗oyalari bilan uzviy bog‗liqdir. 
Demokratik jamiyatda bunday M. ko‗rinishlariga yo‗l qo‗yilmaydi. 
MILLATLAR LIGASI
— birinchi va ikkinchi jahon urushlari oralig‗idagi 
davrlarda (1919-1939) faoliyat ko‗rsatgan xalqaro siyosiy tashkilot. M.l.ning ustaviga 
muvofiq uning vazifasi xalqlar o‗rtasidagi hamkorlikni rivojlantirish, tinchlik va 
xavfsizlikni ta'minlash edi. Amalda esa tashkilot Fransiya va Buyuk Britaniya kabi 
imperialistik davlatlarning manfaatlari uchun xizmat qilgan. 1946-yilgacha faoliyat 
ko‘rsatgan.