Текст проекта 24247-(24247)

project.gov.uz
11.11.2020
83
Темир йўлнинг (инфратузилма эгаси, ташувчи) ваколатли ходими юкланган контейнерни
экспедитордан қабул қилиш вақтида юкланган контейнер
юк жўнатувчининг соз ҳолатдаги пломбалари билан қабул қилингани тўғрисида наряд дубликати
ва дубликат нусхасига имзо қўяди.
Расмийлаштирилган наряд дубликати ва наряд дубликати нусхасини экспедитор, юк
автотранспорт воситаси ҳайдовчиси (ҳайдовчи–экспедитор) автотранспорт ташкилотига
топширади, бу ерда нарядларнинг дубликатлари тегишли йўл варақларига мосланади ва транспорт
ишлари ҳисобини юритиш
ва ҳайдовчининг ойлик маошини ҳисоблаш учун асос бўлади, дубликатларнинг нусхалари эса
автотранспорт ташкилотининг ҳисоблари билан бирга темир йўлга (инфратузилма эгаси,
ташувчиси) тақдим этилади.
338. Юк эгалари билан тузилган шартномалар асосида
транспорт–экспедиторлик хизматларини кўрсатишни амалга оширувчи автотранспорт ташкилоти
ёки юк эгалари кучи ва воситалари билан темир йўл станцияларига контейнерларни олиб кириш
ва олиб чиқиш КЭУ–16 шаклдаги нарядлар асосида амалга оширилади.
Юк ортиш ёки тушириш учун контейнерларни олиб киришга
КЭУ–16 шаклидаги наряд уч нусхада ёзилади.
Наряд рақами остида юкларни қабул қилиш ва топшириш ҳисоби юритилувчи белгиланган
шаклдаги алоҳида китоб бўйича тартиб рақам кўрсатилади.
Наряднинг иккита нусхаси контейнер билан бирга юк эгасига
ёки автотранспорт ташкилоти экспедиторига топширилади, наряднинг бир нусхаси эса темир
йўлда (инфратузилма эгасида, ташувчида) қолади.
Юк ортилган ёки бўш контейнерни топширишда, шунингдек, бўш ёки юк ортилган контейнерни
қайтаришда темир йўлнинг (инфратузилма эгасининг, ташувчисининг) ваколатли ходими
наряднинг тегишли графаларида контейнерни топшириш ва қайтариш санаси ва вақтини
кўрсатади.
Кўрсатилган белгилар темир йўлнинг (инфратузилма эгаси, ташувчиси) ваколатли ходими ва юк
эгасининг (экспедиторнинг) имзоси билан тасдиқланади.