Муаллифлар: Ходиев Б. Ю., Бегалов Б. А., Расулев Д. М., Абидов

3.2.2. Ахборот технологиясининг яратиш тамойиллари
. 
 
Ахборотли технология тизим сифатида бошқариш субъектида 
шаклланади, Шу сабабли хам ахборот технологияси бошқариш субъектининг 
устқурмаси хисобланади. Ахборотли технологиянинг шаклланиши учун 
қуйидаги унсурларнинг бўлиши шарт дэган эдик: 
мутахассислар; 
техник воситалар; 
ахборотлар. 
Шунинг учун хам ахборотли технология бошқариш функцияларини 
ифодаловчи ахборотларни йиғиш, жамлаш, узатиш, сақлаш ва бошқа 
жараёнларни амалга оширувчи «инсон машина тизими» деб юритилади. Бу 
тизимни яратиш учун бир қатор тамойиллар ишлаб чиқилган. Ахборотли 
технологияни яратиш тамойилларини умумий холда тўрт қисмга ажратиш 
мумкин: 
1.
Иқтисодий ташкилий тамойиллар 
2.
Техникавий тамойиллар. 

---

67 
3.
Иқтисодий тамойиллар. 
4.
Ижтимоий тамойиллар. 
Юқорида 
келтирилган 
қисмлар 
ичида 
иқтисодий-ташкилий 
тамойиллар
асосий ўринни эгаллайди ва бу қисм қуйидаги тамойилларни ўз 
ичига олади: 
1.
Тизимли ёндашиш. 
2.
Узлуксиз ривожланиш. 
3.
Ягона рахбарлик. 
4.
Янги масалаларни ечиш. 
5.
Ўзаро алоқадорлик. 
6.
Маълумотлардан кўп марта фойдаланиш. 
1. Тизимли ёндашиш тамойилига кўра, ахборотли технология ташкил 
қилинаётган бошқариш субъектининг фаолияти тўлиқ ўрганилади, бунда 
субъектда айланувчи хужжатлар иқтисодий масалаларни ечиш усуллари ва 
муддатлари ўрганилади, хамда уларни автоматлаштириш тўғрисидаги 
тегишли хулосалар қабул қилинади. 
2. Узлуксиз ривожланиш тамойилига мувофиқ яратилган ахборот 
технологияси доимо харакатда, ривожланишда бўлиши лозим. Унинг 
ривожланиши фан-техника тараққиётига янги технологияларни ишлаб 
чиқариш ва жорий қилишга боғлиқ бўлади. 
3. Ягона рахбарлик тамойилига кўра ахборотли технологияни яратиш 
вазифалари ходимлар гурухи ўртасида тақсимланади, хамда бу ишларнинг 
бажарилиши тегишли рахбарлар томонидан назорат қилинади. Бунда 
субъектнинг рахбари ахборотли технологияни яратиш вазифаларини хамда 
гурухларни бошқаради.
4. Янги масалаларни ечиш тамойилига мувофиқ ахборотли технология 
оддий хисоб-китоб масалаларини ечиш билан чегараланиб қолмай, балки 
истиқболни белгилаш хамда оптималлаштириш масалаларини хам ечиши 
лозим. Бундай масалаларни ечишда иқтисодий математик усул ва 
моделлардан фойдаланилади.
5. Ўзаро алоқадорлик тамойилига кўра, бир сохада ташкил қилинган 
ахборот технологияси бошқа тармоқдаги тизимлар билан доимо алоқада 
бўлади. Бунда фойдаланилаётган маълумотлар маълум даражада умумий 
бўлиб, бошқа тизимларда хам қўлланилади.
6. Маълумотларни бир марта киритиб, кўп марта фойдаланиш 
тамойилига мувофиқ доимий ва шартли доимий бўлган ахборотлар ЭХМ 
хотирасига бир марта жойлаштирилади. Бундай усулда ахборотларни қайта 
ишлаш тезлиги ортади ва тегишли қарорларни яратиш муддатлари камаяди. 
Бундан ташқари яратилган ахборот технологияси энг оз харажат билан 
энг кўп натижа бериш керак. Бу нарса ахборот технологиясининг ижтимоий-
иқтисодий самарадорлик тамойилида ифодаланади.