Муаллифлар: Ходиев Б. Ю., Бегалов Б. А., Расулев Д. М., Абидов

Ахборот тизимларининг туркумланиши ва 
 ривожланиш босқичлари 
Демак, 
ахборот тизимлари, деганда қўйилган мақсадга эришиш учун 
ахборотни сақлаш, унга ишлов бериш ва уни узатиш мақсадида 
фойдаланиладиган, қўлланиладиган воситалар, усуллар ва ходимларнинг 
ўзаро богланган мажмуаси тушунилади. 
Иқтисодий тизимлар бошқариш нуқтаи назаридан ахборот тизими каби 
қаралади ва кўпинча автоматлаштирилган тизим, дейилади. Бу тизимларнинг 
асосий вазифаси фойдаланувчиларнинг талабига мувофиқ равишда 
ахборотларни тўплаш ва тайёрлаш, сақлаш, узатиш ва тақдим этишдан иборат.
Ахборот тизимларини иккита асосий гурухга ажратиш мумкин: 
1. 
Ахборот таъминот тизими. 
2. 
Мақсадли фаолият кўрсатувчи тизим. 
Ахборот таъминот
тизими хар қандай АБТнинг таркибига киради. 
Хозирги даврга келиб қуйидаги автоматлаштирилган тизимлар пайдо бўлди: 
1. 
лойихалаштиришнинг автоматлаштирилган қисми; 
2. 
илмий изланишнинг автоматлаштирилган қисми; 
3. 
корхонанинг автоматлаштирилган бошқариш тизими. 
Мақсадли фаолият кўрсатувчи тизимлар таркибига: 
1. 
Ахборот қидирув тизими; 
2. 
Ахборот маълумотнома берувчи тизим; 
3. 
Ахборот бошқарувчи тизим киради. 
Ахборот - қидирув ва ахборот - маълумотнома берувчи тизимлар 
фойдаланувчи томонидан берилган талабга мос равишда тегишли 
ахборотларни сақлаш ва тақдим этиш учун мўлжалланган. Бундай тизимлар 
фаолияти икки қисмдан иборат: 
1. 
Ахборотни йигиш ва сақлаш. 
2. 
Ахборотларни қидириш ва фойдаланувчига бериш. 

---

49 
Маълумотларни тарқатиш усулига кўра ахборот қидирув тизимлари 
қуйидаги уч турга бўлинади: 
1. 
Ахборот қидиришни тартибли амалга оширувчи тизим. 
2. 
Берилган талаб бўйича қидиришни амалга оширувчи тизим. 
3. 
Умумлаштирилган тизим. 
Ахборот - бошқарувчи тизимлардан, асосан, технологик жараёнларнинг 
автоматлаштирилган бошқарув тизимларида фойдаланилади.
Замонавий шароитда ахборот тизими ахборотларни қайта ишлашнинг 
асосий техник воситаси сифатида шахсий компьютерлардан фойдаланишни 
кўзда тутади. Йирик ташкилотларда шахсий компьютерлар билан ахборот 
тизимининг техник таркибига Майк Фрейм ёки Супер ЭҲМ кириши мумкин. 
Бундан ташқари, ахборот тизими таркибига инсон хам киради, чунки ишлаб 
чиқилаётган ахборот унга мўлжалланган бўлади ва у сиз бу ахборотни олиш 
ёки тақдим қилиш мумкин эмас. 
Шундай қилиб, ахборотли тизим умумий холда икки гурухга ажратилади: 
1. 
Техник жараёнларни бошқаришни автоматлаштирилган тизими. 
2. 
Ташкилий 
бошқаришни 
автоматлаштирилган 
тизими 
(автоматлаштирилган бошқариш тизимлари). 
Техник жараёнларни бошқаришни автоматлаштирилган тизимлари 
узлуксиз хусусиятдаги ишлаб чиқариш сохаларида ташкил қилинади. Бундай 
тизимларда бошқариш ишлари жараёнларга ўрнатилган турли хил воситалар 
ёрдамида амалга оширилади. Инсон бундай тизимларда кузатувчи вазифасини 
утайди.
Ташкилий бошқаришнинг автоматлаштирилган тизимларида инсон 
бирламчи, техник воситалар эса, иккиламчи вазифасини ўтайди.