Муаллифлар: Ходиев Б. Ю., Бегалов Б. А., Расулев Д. М., Абидов

2.2.5. Ахборот тизимининг вазифаси
 
 
Ахборотларга асосланган, мақсади олдиндан белгиланган ва шу 
мақсадга эришиш дастури ишлаб чиқилган бошқарилувчи жараёнга мақсадли
таъсир кўрсатиш - қарор қабул қилиш деб аталади. Қарорнинг шаклланиш 
жараёни эса – қарор қабул қилиш жараёни деб юритилади. Ташкилотни 
бошқариш доирасида меҳнат тақсимотига мувофиқ қабул қилинадиган 

---

38 
қарорлар бошқарувнинг у ёки бу вазифасига киради. 
Қарор қабул қилиш жараёнини таъминлаш, яъни айнан, керакли 
ахборотни керакли вақтда ва керакли жойга тақдим этиш - ташкилот ахборот 
тизимининг асосий вазифаларидан биридир. Шу боис ҳам қарор моҳияти, уни 
қабул қилиш жараёни, қарор қабул қилишнинг барбод бўлиши ташкилотнинг 
ахборот тизими фаолиятига, у ерда қўлланиладиган технологияга сезиларли 
таъсир қилади ва хатто ахборот тизимининг бутун бошли синфи - қарор қабул 
қилиш тизимини шакллантириш заруриятини келтириб чиқаради. 
Ташкилотни бошқаришнинг юқорида кўриб чиқилган тизими албатта, 
унга кибернетик нуқтаи назардан ёндашувига кўра белгиланган. Агар 
бошқарув тизими хақида айрим мавҳумликларсиз гапирадиган бўлсак, 
юқорида қайд этилганлардан ташқари ташкилотнинг бошқарув тизимига 
унинг ташкилий таркиби, ходимлар, вазифани бажариш чораларини кўриш, 
ташкилотнинг ички маданияти ва хоказо омиллар таъсир кўрсатади. 
Хўш, таъсир кўрсатиш нима дегани ? Бу ахборот тизимида қандай 
ахборот мавжудилиги, у қандай сақланиши, қай йўсинда қайта ишланиши, 
ушбу тизим қандай ишлаши ва хоказоларни олдиндан белгилашни англатади. 
Таянч сўз ва иборалар: 
Бошқарув тизими; ташкилот; бошқариш; ахборот контури; бошқариш 
тизимининг ишлаши; ташкилотнинг ахборот тизими; бошқариш тизимининг 
поғоналилиги; ахборот тизимининг вазифалари.