7-Мавзу: шахснинг билиш жараёнлари: сезги, диқҚАТ, идрок, хотира, тафаккур, нутқ, хаёл

 
Тушунчалар 
Тафаккур тушунчалар шаклида ифодаланади. 
Кўп сонли одамлар, ҳодисалар ва объектларни тасаввур қилиш учун 
биз уларни концепт (тушунча) ларга – ўхшаш объектлар, ҳодисалар ва 
одамлар гуруҳига бўлганча соддалаштирамиз. “Стул” тушунчаси ўзида 
кўплаб аниқ предметларни умумлаштиради – бола учун стул, тирсак 
қўйгичли стул, тушлик қиладиган стол атрофидаги стуллар, тиш 
шифокорининг креслоси
5
. Ҳаѐтни тушунчаларсиз тасаввур қилиб кўринг. 
Бизга ҳар бир объект ва ғоя учун алоҳида ном керак бўларди. Биз боладан 
“коптокни от” деб илтимос қила олмасдик, чунки “копток” тушунчасининг 
ўзи йўқ бўларди. “Уларнинг жаҳллари чиқди” дейиш ўрнига бизга юз 
ифодаси, овоздаги кескинлик, имо-ишоралар ва сўзларни ифодалаб 
беришимизга тўғри келарди. “Копток” ва “жаҳлдор” каби тушунчалар энг 
кам даражадаги билимлар мавжуд бўлганида бизга кўп маълумот беради
6
.
4
James W.Kalat. Introduction to Psychology.10 edition. 2013. 324-326 бетлар
5
Дэвид Майерс “Рсихология” Минск,2008. 414 бет
6
Дэвид Майерс “Психология” Минск, 2008. 414-415 бетлар 
 
Тушунча деганда биз нарса ва ҳодисаларнинг энг муҳим ва 
энг асосий хусусиятларини акс эттиришни тушунамиз. 
 
 
 

---

49 
Тушунчалар ҳукмлардан таркиб топади. Шу сабабли тушунчанинг 
мазмунини очиб бериш учун бир қанча ҳукм юритишга тўғри келади. 
Масалан, одам онгли мавжудотдир деган тушунчани оладиган бўлсак, бу 
ерда одамнинг энг муҳим хусусияти унинг онглилиги экани қайд қилиняпти. 
Тушунчалар одамнинг турмуш тажрибаси ва билимларининг ортиши 
жараѐнида таркиб топа боради. Ана шу жиҳатдан олганда мактабдаги ўқиш 
жараѐнида болада асосан табиат ва жамият ҳодисалари ҳақида 
тушунчаларни таркиб топтиришдан иборатдир. Демак, катта одамларга 
нисбатан болаларда ҳали тушунчалар жуда оз бўлади. 
Алоҳида олинган бир бутун нарсага алоқадор тушунча конкрет 
тушунча деб аталади. Масалан, стол, диван, қайрағоч, трактор ва ҳоказо. 
Моддий борлиқдаги нарсалардан фикран ажратиб олинган баъзи хусусият, 
сифат, ҳолатларга, шунингдек, нарсалар ўртасидаги ички муносабатларга, 
қонуниятларга қаратилган тушунчалар абстракт тушунча деб аталади. 
Масалан, оқлик, узунлик, баландлик, кенглик, ҳаракат, ѐруғлик, қиймати 
ҳақидаги тушунчалар ва ҳоказо. 
Якка тушунчалар якка нарса ва ҳодисалар ҳақидаги тушунчадир. 
Бундай тушунчаларга соҳибқирон Амир Темур, Мирзо Улуғбек, Сирдарѐ 
тушунчаларини мисол қилиб келтирса бўлади. Якка тушунчаларнинг 
хусусияти шуки, бу тушунчаларда ҳамиша аниқ образ мавжуд бўлади. 
Умумий тушунчаларда бир жинсга мансуб бўлган кўп нарса ва ҳодисалар 
гавдалантирилади. Масалан, китоб, мактаб, юлдуз, талаба ва бошқалар. 
Тўпланма тушунчалар бир жинсга мансуб бўлган нарса ва ҳодисалар 
тўплами ҳақида яхлит фикр юритиладиган тушунчадир. Масалан, пахтазор, 
кутубхона, йиғилиш ва ҳоказолар. Тўпланма тушунчаларнинг бир қанчаси 
бирданига татбиқ қилинганда умумий тўпланма тушунчалар бўлади. 
Масалан, Алишер Навоий номидаги Давлат Музейи тушунчаси, якка 
тўпланма тушунчага оиддир. Гуруҳ, жамоа, халқ, миллат ва бошқалар, 
умумий тўпланма тушунчасига мисол бўла олади. Етти оғайни юлдузлар 
тўплами, Ҳамза театри жамоаси, Пахтакор футбол жамоаси кабилар якка 
тўпланма тушунчалар жумласига киради.
Фикр юритишда тушунча билан сўз ўзаро боғлиқ равишда намоѐн 
бўлади. Бир томондан сўз ѐрдамисиз тушунча вужудга келмайди, иккинчи 
томондан сўз тушунчанинг моддий асоси ва функциясини бажаради. 
Тушунчалар бир ѐки ундан ортиқ сўзлардан ташкил топиши мумкин.