«Молия» илмий журнали Ўзбекистон Республикаси Олий аттестация комис

_____________________________________________________________________
Кириш (introduction)
Янги Ўзбекистоннинг 2022–2026 йиллардаги тараққиёт стратегиясида 
[1] инвестиция ҳажмини ошириш мақсади қўйилган. Уни амалга ошириш эса 
Молиявий ҳисоботнинг халқаро стандартларини (МҲХС) кенг жорий қилишни 
тақозо этади. Ўзбекистон Республикаси Президентининг 2020 йил 24 февралдаги 

---

37
3/2022
Бухгалтерия ҳисоби ва аудит
“Молиявий ҳисоботнинг халқаро стандартларига ўтиш бўйича қўшимча чора-
тадбирлар тўғрисида” ПҚ-4611-сон Қарорида [2] “бухгалтерия ҳисобининг миллий 
стандартларини МҲХСга мувофиқ уйғунлаштириш” вазифаси ҳам олдинга 
қўйилган. Бу эса ҳар бир бухгалтерия ҳисоби миллий стандартларини халқаро 
стандартларга солиштириб чиқиш, имкон қадар уйғунлаштириш бўйича тадқиқот 
ишларини олиб боришни тақозо этади. Корхоналарнинг жорий активлари таркибида 
захиралар ҳисобини тартибга солишга мўлжалланган 2-сон БҲХС “Захиралар” 
стандарти муҳим стандартлардан бири ҳисобланади. 
Корхоналар жорий активлари таркибида захиралар асосий ҳиссани ташкил 
этади. Захиралар таркибига ишлаб чиқаришни узлуксиз таъминлаш мақсадида 
омборлардаги хом ашё ва материаллар, тугалланмаган ишлаб чиқариш, тайёр 
маҳсулотлар ва қайта сотиш учун мўлжалланган товарлар киради. Бухгалтерия 
ҳисобидаги энг муҳим масалалардан бири бу захираларни баҳолаш масаласидир. 
Бугунги кунда амалда бўлган 4-сон БҲМС “Товар-моддий захиралар” стандартини 
халқаро стандартлар асосида такомиллаштириш зарурияти мавжуд, деб ҳисоблаймиз. 
Миллий стандартда захираларни занжирли тизимда баҳолаш, захираларни жорий 
жойлаштирилган жойи ва жорий ҳолатга етказиш билан боғлиқ харажатларни 
захиралар таннархига олиб бориш масалалари етарли даражада ёритилмаган. 
Шу боис, захираларни баҳолаш масаласида тадқиқотлар олиб бориш долзарб 
ҳисобланади.