Toshkent moliya instituti hamdamov baxrom kasimovich ilxomov shavkat islomovich

Davlat
moliyaviy
nazoratining
subyektlari:
Davlat moliyaviy nazoratining subyektlari bo‘lib, nazorat qilishga 
vakolati bo‘lgan Davlat hokimiyati organlari, birinchi navbatda, 
qonunchilik, hukumat ijro va boshqaruv organlari hisoblanadi. 
O‘zbekistonda ularga O‘zbekiston Respublikasi Oliy Majlis Senati va 
Qonunchilik palatasi, O‘zbekiston Respublikasi Prezident Devoni, 
O‘zbekiston Respublikasi Vazirlar Mahkamasi, Moliya vazirligi va 
O‘zbekiston Respublikasi Markaziy banki va boshqa davlat boshqaruv 
organlari kiradi. 
a)
O‘zbekiston
Respublikasi
hisob
palatasi
Davlat moliyaviy nazoratining yuqori organi O‘zbekiston 
Respublikasi hisob palatasi hisoblanib, uning tomonidan Davlat budjeti 
ijrosi, Davlat maqsadli va boshqa budjetdan tashqari fondlar budjetining 
tashqi nazoratini amalga oshiradi hamda O‘zbekiston Respublikasi Oliy 
Majlisi Senatiga bevosita bo‘ysunadi va hisobdor hisoblanadi. 
O‘zbekiston Respublikasi hisob palatasi davlat budjeti bajarilishi 
nazoratini amalga oshiradi: 

---

16 
- Davlat budjeti, davlatning maqsadli va boshqa budjetdan tashqari 
fondlari loyihasini ko‘rib chiqadi, ma’qullanganda u bo‘yicha tegishli 
xulosa beradi; 
- Davlat budjeti, davlatning maqsadli va boshqa budjetdan tashqari 
fondlarining ijrosi natijalari bo‘yicha hisobotni ko‘rib chiqadi, 
ma’qullanganda u bo‘yicha tegishli xulosa beradi; 
- Davlat budjeti, davlatning maqsadli va boshqa budjetdan tashqari 
fondlarining bajarilishini, shu bilan birga, soliq va bojxona organlarini,
davlat maqsadli fondlarini taqsimlovchi organlar faoliyatining 
monitoringini amalga oshiradi; 
- Budjet mablag‘larining harakati to‘g‘risida qonunchilik doirasida 
bankdan ma’lumot oladi; 
- Moliya organlari, g‘aznachilik bo‘limlari, budjetdan mablag‘ 
oluvchilar va xo‘jalik subyektlari moliya-xo‘jalik faoliyatini tekshiradi 
hamda taftish o‘tkazadi; 
- Qonunchilikda ko‘zda tutilgan boshqa vakolati doirasida faoliyat 
ko‘rsatadi. 
O‘zbekiston Respublikasi hisob palatasi yilning har choragida 
Davlat budjeti, davlatning maqsadli va boshqa budjetdan tashqari 
fondlarining bajarilishi natijalarini ko‘rib chiqadi va O‘zbekiston 
Respublikasi Vazirlar Mahkamasiga taqdim qiladi.