Ноорганик моддалар ишлаб чиқариш ускуналари ва

2-Мавзу: Сульфат кислота ишлаб чиқариш усуллари, ускуналари, 
қўлланиладиган катализаторлар ва ишлаш қоидалари 
Режа 
1.
Умумий тушунчалар. 
2.
Ишлаб чиқариш усуллари. 
3.
Ишлатилиши. 
4.
Чангитиб куйдириш печлари. 
5.
Қайновчи қаватда куйдириш печлари. 
Таяч иборалар ва сўзлар: 
Сульфат кислота, нефт, Абу Бакр Алрасес, камерали 
усул, десорбсия, насос, омбор, адсорбсия, диссоциа, печ, фаза. 
Сульфат кислота 
– кимѐ саноатининг асосий маҳсулотларидан бири 
ҳисобланади. У минерал ўғитлар, турли хилдаги минерал тузлар ва кислоталар, 
органик маҳсулотлар, бўѐқлар, портловчи моддалар ва бошқалар ишлаб 
чиқаришда кенг миқѐсда ишлатилади. Сульфат кислота ишлатилмайдиган йирик 
замонавий саноат корхоналари мавжудлигини тасаввур этиш қийиндир. Сульфат 
кислотадан нефтни қайта ишлаш, металлургия, металларни қайта ишлаш, 
тўқимачилик, чарм ва бошқа саноатларда сувсизлантирувчи ва қуритувчи модда 
сифатида, нейтраллаш жараѐнида, металларни тозалашда ва бошқа бир қанча 
мақсадларда фойдаланилади. Сульфат кислота қадимдан маълум бўлган 
моддадир. Форс алхимиги Абу Бакр Алрасес асарларида (940-йил) ҳам у ҳақида 
маълумотлар берилган. Сульфат кислота дастлаб темир купоросини қуруқ ҳайдаш 
орқали олинган (шунинг учун сульфат кислотани узоқ вақт 
купорос мойи 
деб ҳам 
атаб келинган). Бу усул билан 1526-йилда оз миқдордаги тутовчи сульфат кислота 
олинган. ХVIII асрнинг иккинчи ярмида ички қисми сув билан намланган катта 
ҳажмдаги идишларда олтингугурт ва селитрани ѐндириш орқали тиббиѐт 
мақсадлари учун сульфат кислота олиш йўлга қўйилган эди. 
Биринчи сульфат кислота ишлаб чиқариш заводи 1740-йилда Англияда 
қурилган. Бунда олтингугурт ва селитра аралашмаси металл идишларда 
қиздирилган, бунинг натижасида ҳосил бўладиган газлар аралашмаси шиша 

---

9 
жиҳозларда сувга юттирилган. 1746-йилда бу мақсад учун қўрғошинли камера 
ишлатилган, шундан сўнг сульфат кислота ишлаб чиқаришнинг ушбу усули 
камерали усул
 
деб атала бошланган. Бошланғич аралашмани ѐндириш 
натижасида ҳосил бўладиган сульфит ангидрид ва азот оксидлари камера тубига 
қуйилган сувда эриши натижасида сульфат кислота ҳосил қилади. Камерадаги газ 
қолдиқлари йўқотилгандан сўнг унда навбатдаги аралашма ѐндирилади ва шу йўл 
билан керакли концентрациядаги кислота олинади. Кейинчалик камерада сув буғи 
ишлатишни ва жараѐнни узлуксиз амалга оширишни таклиф этилди.