Bolalar jismoniy tarbiyasi

Jismoniy tarbiya nazariyasining fanlar tizimida tutgan о‘rni
Jismoniy tarbiya nazariyasi ijtimoiy, tabiiy va pedagogik fanlar bilan 
bog‘liqdir. 
Jismoniy tarbiya va sport hamisha jamiyat hayotining ajralmas bir qismi 
bо‘lib kelgan. О‘rta Osiyoning mashhur olimi, Abu Ali ibn Sino 1002-1011 
yillarda «Tozalik haqida risola» nomli asar yozgan. Bu risolada jismoniy 
xarakatga rioya etish, kishilarni salomat bо‘lishi va jismonan baquvvat 
bо‘lishlarini ta’minlaydi. 
Jismoniy tarbiya nazariyasining ilmiy-tabiiy asosi (anatomiya, fiziologiya, 
gigiyena, bioximiya, biomexanika…)dan tarkib topadi. I.M.Sechenov va 
I.V.Pavlov ta’limotlari, shuningdek harakat kо‘nikmalarini shakllantirish va 
jismoniy sifatlarni rivojlantirish, ta’lim va tarbiya jarayonini tо‘g‘ri qurish 
qonuniyatlarini tushunish imkonini beradigan oliy nerv faoliyati haqidagi 
zamonaviy tadqiqotlar muhim о‘rin egallaydi. 
Jismoniy tarbiya metodikasi pedagogik fanlar tizimiga kiradi va u 
psixologiya va pedagogika bilan chambarchas bog‘liqdir. 
Jismoniy tarbiya nazariyasi ixtisoslashgan fan predmetlarining butun bir 
kompleksi bilan aloqadordir. Ularning bir butun turi gumanitar xarakterda 
(jismoniy tarbiyaning umumiy nazariyasi, umumiy pedagogika maktabgacha 
tarbiya pedagogikasi, jismoniy tarbiya va sport psixologiyasi, bolalar 
psixologiyasi) bо‘lib, jismoniy tarbiyani tashkil etish va rivojlantirishning ijtimoiy 
qonuniyatlarini, shunindek jismoniy mashqlarning kishi (bola) psixikasiga ta’sirini, 
pedagogik ta’sir etishning vositalari, shakl va metodlarini qо‘llash qonunlarini 
о‘rganadi. 
Ularning ikkinchi bir turi biologik va aralash tabiiy fan predmetlari 
(jismoniy mashqlarini fiziologiyasi va dinamik anatomiya, bioximiya, meditsina, 
pediatriya, gigiyena, vrach nazorati, davolash fizkulturasi bо‘lib, bolani biologik 
rivojlantirish jarayonini о‘rganadi.