Д. Раҳматуллаева, У. Ходжаева, Ф. Атаханова

XIX охири ва XX аср бошлари. Аёллар либосини ислох қилиш учун 
қилинган ҳаракатлар. 
XX аср бошларида аёлларнинг ўз эмансипация
4
си 
учун курашиш ҳаракатлари кучайиб кетади. Аёлларнинг жамиятда 
эркакларга нисбатан пастроқ ўринларда эканликлари ўша замондаги 
ноқулай, кўп метрли узун юбкалар ва шлейфлар, корсет, кринолин ёки 
турнюрдан иборат либосда ҳам ўз аксини топган эди. Бу либос эркакларнинг 
қулай, ихчам ва гигиенабоп, актив ҳаёт тарзига тўла жавоб берувчи 
либосларининг акси (тескариси) эди. Шунинг учун биринчи навбатда 
феминисткалар аёллар либосини ислоҳ қилишни таклиф эта бошладилар. 
Бунинг учун эркаклар шимини ва албатта, эркаклар либоси учун 
ишлатиладиган матоларни ўзлаштириш лозим деб топилган.
2
абажур – (французча “abаt - jour” ёруғликни қайтарувчи маъносида) – кўзга ёруғлик 
тушмаслиги учун чироққа кийдириладиган қалпоқ ёки қопқоқ). 
2
пьедестал - (французча “piedestal” ) - ҳайкал тагидаги супача; таг курси.
4
эмансипация – фран. (emancipation) < лот. - қадимги римликларда – уй соҳиби 
ҳукмдорлигидан озод қилиш. Кенг маънода – қарамлик, тобелик, эрксизлик, қулликдан 
озод бўлиш. Аёллар эмансипацияси – аёлларнинг иқтисодий ва ҳуқуқий тобеликдан озод 
бўлиши, аёллар ҳуқуларини эркакларники билан тенглашиши
 

---

120 
Аёллар либосини ислоҳот қилишнинг яна бир йўналиши – корсетларга 
қарши курашиш бўлган. XX аср бошларида корсетлар хаддан ташқари 
бежамдор бўлиб, инсон гавдасини S ҳарфига ўхшаб буралишга
мажбур қиларди, бу эса корсетнинг аёл соғлигига путур етказишини 
исботлашга уринаётган шифокорларни ваҳимага соларди. Рентген нурлари 
кашф этилгач, мода талаб қилган корсетли либоснинг оқибатини, яъни 
корсет таққан аёлларда ички аъзоларнинг эзилиш ва шакли ўзгариш холлари 
кўп тарқалганлигини яққол кўриш мумкин бўлди. Оғирлиги елка камарига 
тушадиган бичимли кийимлар қулайроқ ҳисоблана бошланди. Бундай хулоса
белга ним ёпишиб турувчи, этаги кенгайтирилган “реформа” - 
кўйлакларнинг яратилишига асос бўлган.
Илк бор ички кийимни “нафас олувчи” пахта толали, осон ювиладиган 
комбинезонлар билан алмаштириш таклиф этилган. Шакли нисбатан қулай 
либослар кўпроқ спорт билан шуғулланиш учун таклиф қилинган (мисол 
учун: ўша пайтда урф бўлган велосипед учишда юбка-шимлар кийилган). 
Улардан кўплари, масалан трикотаж буюмлар, ҳозирги замонавий либослар 
орасида ўз ўрнини топган. Аёлларнинг спорт либосларида тақилмалари олд 
қисмида бўлиб, юбкалар эса тахламали ёки тақилмаси этагигача бўлган. Ўша 
даврдаги аёлларнинг спорт учун либослари фақат шуниси билан кундалик 
либослардан ажралиб турган. 1913 йилда К. Шанель мижозларига 
трикотаждан тикилган қулай спорт либосларини таклиф этган. Бундай спорт 
учун мўлжалланган либослар XX асрдаги кўпқиррали костюмлар 
шаклланиши учун асос яратиб борган.