Д. Раҳматуллаева, У. Ходжаева, Ф. Атаханова

7-расм 8-расм 
Асосий бош кийим цилинд сақланиб қолади. Оёқ кийим – этиклар ва 
қора рангдаги ёпиқ туфлилар.
Аёллар либоси умуман бошқа йўналишда ривожланди. Буржуазия 
жамиятида аёллар фаолияти чегараланган. Улар асосан оқсуяк хонимларнинг 
кўнгилочар тадбирлари, санъат билангина чегараланади. Аёл буржуй, 
ишбилармон, фабрикант эрининг омадлари билан безанган ўйинчоққа 
айланади. Унинг либоси шакли қулайлик ва амалийликдан анча узоқ. 
Дабдабали, қимматбаҳо матолар, отделка ва безаклар билан тўлдирилган, 
тез-тез моданинг ўзгариши буржуа юқори табақасининг аёллар либосининг 
характеристикасидир. 
Эклектизм
– XIX аср буржуа санъатиган хос турли 
тасвирий услубларнинг механик қоришуви бўлиб, бу ўз навбатида либосда 
ҳам намоён бўлган. Давр мобайнида либос безаги, конструктив ва декоратив 
ечими, матолар орнаменти, ранги, фактурасида антик давр, готика, барокко, 
рококо элементлари қўлланилганини кузатиш мумкин. 
40-50 йиллардаги аёллар либоси силуэти ва формаси аниқ пропорциялар, 
табиий елка ва бел чизиғлари, бўкса чизиғининг катталашуви билан 

---

114 
характерлидир. Катта енг, хашаматли бантлар ва енгилтабиат кўринишдаги 
соч турмаклари йўқолиб, сочлар тўғри таралиб, икки томонга локонлар 
туширилган. Ингичка бўйин, пастга томон нишабланган нозик тор елкалар 
тор енглар билан якунланади. Гавданинг нозик корсет кийдирилган юқори 
қисми кенг юбкага худди навда сингари солиб қўйилгандек тассурот 
уйғотади... Юбка от мўйидан қилинган чехол - кринолин (франц. тилидан 
олинган бўлиб, crin — от мўйи, lin — каноп маъноларини англатади) билан 
ушлаб турилиб, унинг ҳажми йилдан йилга катталашиб борди. 60-йилларга 
келиб юбка этагининг диаметри 2,5 — 3 мга бориб, ён томондан торайиб, 
орқа томонга узайтирилганди (9-расм). 
9-расм 
60-йиллардаги катта, хашаматли юбкалар кенг бурма ва воланлар, мато 
нақшларидаги каймалар, тишчалар, фестонлар билан безалган. Либос 
тарихида бу давр иккинчи рококо деб аталади.
Бу давр аёллар либосининг характерли томони унинг ассортиментга 
бойлиги билан характерланади. Булар тонги либос, сайр учун либос, тушлик 
ва кечки либослар.

---

115 
Либосда қўлқоплар, соЯбонлар, заргарлик буюмлари, хусусан зираклар, 
тўқа-тқғноғичлар, билакузуклар, занжирлар, узуклар асосий ўринни ўйнаган.
Шляпаларнинг кенг хошияси баланд кўтарилган бўлиб, ўз шаклини 
сақлаб қолган. 
Бу давр пойафзалининг ўзига хослиги паст пошнали ва квадрат учли 
эканлигидадир.