Zoologiya (umurtqalilar) fanidan

Yirtqichlar  (Carnivora)  turkumi  vakillari  asosan  hayvon  obyekti  bilan 

ovqatlanishga  layoqatlangan.Shu  sababli  bularning  ayniqsa  tishlari  vaо‘tkir 

changal  tirnoqlari  ancha  о‘zgacha  tuzilgan.Kurak  tishlari  mayda,  qoziq  tishlari 

yaxshi rivojlangan, oziq tishlarining yuzasi doimo bо‘rtmali bо‘ladi. Ustki jag‘ning 

oxirgi  yolg‘on  oziq  tishi  va  pastki  jag‘-ning  1-inchi  haqiqiy  oziq  tishi  о‘zining 

kattaligi  bilan  boshqa  tishlardan  ajralib  turadi,  bular  yirtqich  tishlar  deb  ataladi. 

Tirnoqlari yaxshi taraqqiy etgan va ba’zan ichiga tortiladigan bо‘ladi. 

Bu  turkumga  gavdasining  shakli  vaо‘lchami  har  xil  bо‘lgan  yirtqich-lar 

kiradi.  Janubiy  Osiyo  va  Afrikada  tarqalgan  viverralar,  mangustlar,  sirtlonlar; 

mushuklar oilasiga mansub yо‘lbars, afrika arsloni, bizda keng tarqalgan silovsin, 

mushuklar; suvsarlar oilasiga mansub suvsarlar, sassiqqо‘zonlar, norka, qunduz; oq 

ayiq;  itlar  oilasiga  mansub  tulki,  oqtulki,  bо‘ri  va  boshqa  bir  qancha  turlar  vakil 

bо‘ladi.  Bulardan  suvsarlarning  kо‘pchiligi  va  oqtulkilar  qimmatbaho  mо‘yna 

beruvchi hayvonlar hisoblanadi.