Microsoft Word Bolalar nevrologiyasi end doc

Bolalarda refleksni tekshirish.
Refleks doirasini bolalarda tekshirish kattalarnikidan tubdan farq qiladi. Bu 
farq o‘sayotgan yosh organizmni anatomik va fiziologik hususiyatlariga 
asoslangandir. Bundan tashqari go‘dak bolalarda asab doirasini mukammal 
tekshirish mumkin emas.
Bolalarda bosh miya, orqa miya va periferik nerv tizimi tuzilishining 
ma’lum darajada rivojlanmagan bo‘lishi, ularni nevrologik tekshirib ko‘rilganda 
olingan xulosalar patologik holat deb tafovut qilishga olib keladi, chunki ular 
kattalarda normada uchramaydi. Shuning uchun bolalarda reflekslarni tekshirish 
juda diqqat-e’tibor bilan qayta-qayta tekshirilishi lozim. Bunda bola osoyishta, 
tinch holatda va chalg‘igan bo‘lishi kerak. Yangi tug‘ilgan chaqaloqda pay 
reflekslaridan ikki boshli mushak va tizza refleksini chaqirsa bo‘ladi. Lekin 
mushak tonusining balandligi tizza refleksini tekshirishda qiyinchilik tug‘diradi.
Emizikli yoshdagi bolalarda axill refleksi 10-15% hollarda chaqirilmasligi 
mumkin, shu vaqtning o‘zida axill refleksining oshib ketishi va oyoq panja 
klonusining chaqirilishi orqa miyaning boshqa zararlanish belgilari bo‘lmaganda 
bola uchun fiziologik holat ham bo‘lishi mumkin.
Tizza reflekslari bolaning 2 oyligidan boshlab chaqirilishi mumkin, lekin 
mazkur refleks ancha bo‘sh bo‘ladi, bola 4 oylik bo‘lganda esa yaxshi chaqiriladi 
va bu yoshdagi o‘g‘il bolada kremaster reflekslarni ham chaqirish mumkin.

---

 82
Babinskiy belgisi 12 oylik bolalar uchun norma hisoblanadi. 1 yoshdan 
keyin esa patologik refleks deb hisoblash mumkin. Bir yoshdan oshgan bolalarda 
Babinskiy belgisi normada uyqu holatida chaqirilishi mumkin.
Bolalarda Babinskiy belgisi tashhis qo‘yishda katta ahamiyatga ega, ayniqsa 
tutqanoqdan keyin oyoq panja refleksi yo‘qolganda bir tomonlama bu refleksning 
paydo bo‘lishi muhimdir. Ushlab olish refleksi bolaning 2-4 oyligida ikki 
tomonlama yo‘qoladi, mabodo u bir tomonda chaqirilsa, u holda patologik 
jarayondan dalolat beradi.