Microsoft Word Bolalar nevrologiyasi end doc

 
 
Bosh miyani chayqalishi 
BMJ ning eng ko‘p uchraydigan shakli bo‘lib, kattalarda ham, bolalarda ham 
uchrab turadi. BMCh bosh miya funksiyalarining ortga qaytar buzilishlarning 
ustunligi bilan xarakterlanadi. Bu zararlanishning asosiy ko‘rinishlari umumiy 
miya belgilari va o‘tib ketuvchi tarqoq o‘choqli mikrosimptomatika sifatida 
bo‘ladi. Umumiy miya belgilariga bosh og‘rishi, tizimli bo‘lmagan bosh aylanishi, 
boshda shovqin bo‘lishi, hamda xushdan ketish, qusish va retrograd amneziya 
ko‘rinishida belgilar uchligi kiradi. Bolalarda bu klassik belgilar uchligi kamdan 
kam hollarda to‘liq hajmda uchraydi. Boshqa belgilarga nisbatan ko‘ngil aynashi 
va qusish ko‘proq namoyon bo‘ladi.
Xushdan ketish odatda bir necha sekunddan bir necha minutgacha davom 
etadi. Xushdan ketishning uzoqroq davom etishi miyaning chayqalishdan ko‘ra 
og‘irroq jarohatlanganligidan dalolat beradi. Xushdan ketish alomatlarining 
yo‘qolib borishi bilan xotiraning buzilishlari aniqlanadi. BMCh jarohat paytidan 
to xushga kelguncha bo‘lgan davrda xotiraning yo‘qolishi (anterograd amneziya) 
va kam miqdorda jarohatdan oldin bo‘lgan voqea-hodisalarga nisbatan xotirasining 
yo‘qolishi bilan xarakterlanadi (retrograd amneziya) bilan xarakterlanadi.
Ko‘p uchraydigan belgilardan biri bosh og‘rig‘i hisoblanib, u diffuz 
xarakterga ega bo‘lib (aniq lokalizatsiyasiyasiz) tana holatini o‘zgartirganda 
kuchayadi. Vaqt o‘tgan sari qusishning takrorlanishi og‘ir BMJdan dalolat beradi. 
Har doim diffuz xarakterdagi mushak gipotoniyasini aniqlash mumkin. BMCh bor 
odamlarda pay reflekslarning bir xil emasligi (oshishi yoki pasayishi) aniqlanadi. 
Teri reflekslarining susayishi aniqlanadi. Ba’zan birinchi sutka davomida patologik 
reflekslar (Rossolimo, Bexterev), oral avtomatizm reflekslari (xartumcha, 
so‘ruvchi, kaft-jag‘ osti), til uchini bir oz og‘ishi, burun-lab burmasini 
assimetriyasi aniqlanadi. BMCh ni olgan bemorlarning 94% da noturg‘un va 
doimiy bo‘lmagan nistagm aniqlaniladi. Korneal reflekslar odatda pasaygan. 
Meningeal simptomlar ham kuzatilishi mumkin, lekin ular noturg‘un va bir necha 
kundan keyin yo‘qoladi.
BMCh da vegetativ buzilishlar AB va pulsni noturg‘unligi, teri qoplamlarini 
oqarishi yoki giperemiyasi bilan birga kechadi. Birinchi kunlarda tana harorati 
subfebril darajagacha ko‘tariladi. Likvor bosim oshishi, hamda pasayishi ham 
mumkin.
Exo-ES ko‘rsatkichlari bo‘yicha kalla ichi bosimini oshishi natijasida exo-
komplekslar pulsatsiyaning amplitudasini oshishini, hamda keskin bo‘lmagan 3 
qorinchani diltatsiyasini aniqlash mumkin. EEG da asosiy ritmni 
desinxronizatsiyasi aniqlanadi.
BMCh bir vaqtda alkogol yoki dorilar bilan zaharlanganda tashhislash qiyin. 
Tashhisni alkogolning toksik ta’siri yo‘qolganda nevrologik belgilarni 
dinamikasiga va qonda, likvordagi alkogolni miqdoriga qarab asoslanadi.