Microsoft Word Bolalar nevrologiyasi end doc

Nerv tizimining zararlanishining serebral turi 
Allergiyada nerv tizimini zararlanishining serebral turi ko‘pchilik hollarda 
uchraydi. Klinik ko‘rinishi allergik ta’sirning uzoqligi va allergik reaksiya 
xarakteriga bog‘liq bo‘lib subyektiv hamda obyektiv belgilar bilan kechadi. 
Serebral turi mustaqil yoki turli xil allergik ko‘rinishlar hisobiga kuzatilishi 
mumkin. Oqibatda serebral qon tomirlar shok organ hisoblanib, ularda o‘tkir, 
o‘tkir osti yoki surunkali, allergik reaksiyalar kechadi. MNS zararlanishining 
asosida allergik serebral vaskulit (ASV), ensefalit, neyrogumoral regulyatsiyaning 
buzilishi, qo‘zg‘aluvchi dimlangan o‘choq paydo bo‘lishi yotadi. Etiologik 
faktorlar bo‘lib (ko‘pincha ASV bo‘lishi mumkin), dorilar, infeksiyalar parazitlar 
va ovqat allergiyasi hisoblanadi.
Allergik serebral vaskulit – 
ishemik va gemorragik insultlar va surunkali 
miyada qon tomir yetishmovchiligi (tarqoq mikrosimptomatika sindromi bilan) 
ko‘rinishida kechadi. 
ASV tarqoq mikrosimptomatikasi – 
dori kasalliklarida va infeksion 
allergiyalarda (surunkali infeksiya o‘chog‘i, gelmintoz, surunkali aktiv gepatit va 
boshqalar) uchrashi mumkin.
ASV psixopatologik belgilar ustunligi bilan – 
psixomotor 
qo‘zg‘aluvchanlik, yig‘loqilik, qo‘rqinch, apatiya, depressiya, gallyutsinatsiyalar 
kabi klinik ko‘rinishida kechishi mumkin. Ko‘pchilik hollarda epileptik tutqanoq 
generallashgan yoki porsial ko‘rinishida uchrashi mumkin. Bu holat miya shishishi 
yoki po‘stloq mayda qon tomirlarning diffuz jarohatlanishi asosida kelib chiqishi 
mumkin. Miya shishishi nerv tizimining parainfeksion zararlanishi, 
hashoratlarning chaqishi yoki tishlashi, immunizatsiya natijasida rivojlanishi 
mumkin.
Parainfeksion ensefalitlar – 
bolalar infeksiyasida, asosan ekzantema bilan 
kechuvchi (qizamiq, suvchechak, qizilcha) kasalliklar natijasida kelib chiqishi 
mumkin. Ensefalitning og‘ir turlari qizamiq va qizilchada kuzatiladi. O‘lim holati 
10-20% ni tashkil qiladi.

---

 332