Microsoft Word Bolalar nevrologiyasi end doc

Etiologiya va patogenezi.
Allergik kasalliklarning rivojlanishi organizm 
reaktivligiga va allergen aktivligi bilan bog‘liq. Allergenlar ikki katta guruhga 
bo‘linadi: noinfeksion va infeksion.
Noinfeksion allergenlarga: turmushda orttirilgan, epidermal, dorilar, gul 
changi va maishiy sabablar kiradi.
Infeksion allergenlarga sabab parazitlar, zamburug‘lar, viruslar, bakteriyalar 
va ba’zi hollarda qon so‘ruvchilarning chaqishidan ham kelib chiqishi mumkin.
Bola hayotining birinchi yilida ovqat allergiyasi ustunlik qiladi. Bu sun’iy 
ovqatlanish bilan bog‘liq. Biroq, ba’zi hollarda ovqat allergiyasi chin (bo‘lishi 
mumkin) bo‘lavermaydi, chunki qo‘shimcha ovqat berish natijasida fermentativ 
yetishmovchilik bilan bog‘liq bo‘lishi mumkin. Bola hayotining ikkinchi yilida 
turmushda orttirilgan va epidermal allergiya rivojlanishi mumkin, 5-7 yoshlarda –
infeksion va chang gullari allergenlaridan kelib chiqadi. Dorilar natijasidagi 
allergenlar – hamma yoshda uchrashi mumkin. Dorili allergiyalarning 
rivojlanishida bolalarning tez-tez shamollashga moyilligi, shu bilan birga surunkali 
va retsidivlanuvchi jarayonlar, uzoq muddatli dorilar bilan davolash sabab bo‘ladi. 
Surunkali infeksiya o‘chog‘ining (burun, halqum, tishlarda va boshqalar) bo‘lishi 
infeksion allergiyalarga olib keladi. Bu keyinchalik immun kasalliklarni keltirib 
chikarishi mumkin.
Allergiyani rivojlanishida uchta bosqich farqlanadi: immunologik, 
patoximik va patofiziologik.
Immunologik bosqich
immun tizimidagi barcha o‘zgarishlarni qamrab 
oladi. (antitelalarning hosil bo‘lishi yoki organizmga allergenni qayta tushishi).
Patoximik bosqich
turli xil biologik aktiv mediatorlarning hosil bo‘lishi 
bilan kechadi.
Patofiziologik bosqich
, yoki klinik ko‘rinish bosqichi hosil bo‘lgan 
patogen mediatorlarning hujayralarga, to‘qimaga va a’zolarga ta’siri bilan 
xarakterlanadi.
Hozirgi vaqtda to‘qima jarohatining to‘rt tur allergik mexanizmi farqlanadi: 
reaginli (tezlashgan), sitotoksinli, immunkompleksli va sekinlashgan.
Hamma turlarida to‘qimalarning allergik jarohatlanish jarayonida albatta 
biriktiruvchi to‘qima va qon tomirlar ishtirok etadi, ular pardalar va qon 
tomirlarida joylashgan.
Har qanday qo‘zg‘atuvchi antigen odam organizmiga ikki xil: spetsifik va 
nospetsifik ta’sir ko‘rsatadi.