1-БЎлим. Бахтли ҳаёт асослари бахтнинг баҳоси қанча?

АНОР СУВИНИНГ ШИФОСИ 
Анор суви таркиби жуда бой. Унда органик кислоталар, айниқса лимон кислотаси кўп. 
Шунинг учун анор суви ўзига хос таъмга эга. Унда алмаштириш мумкин ва мумкин бўлмаган 
аминокислоталар, полифенол, шакар, витаминлар бор. Витаминлар ичида энг кўп аскорбин 
кислотаси, В гуруҳи витаминлари, ундан кейин А, Е, РР дармондорилари мавжуд. Шунингдек, унинг 
таркибида фолий кислотасининг табиий шакли – фолацин ҳам мавжуд. 
Анор шарбати осон ҳазм бўлади. Унда бутун анорда мавжуд барча фойдали моддалар 
сақланиб қолади. Анор шарбати мазаси ҳам ноодатий, бир оз нордон, аммо ѐқимли, тетиклик 
берувчи. У инсон танасига ажойиб таъсир қилади. 
Камқонликдан азият чекувчи одамлар анор шарбати ичганидан сўнг қонидаги гемоглобин 
миқдори ошади, шишишдан, қон босимидан азият чекувчилар учун ҳам анорнинг сийдик ҳайдовчи 
хусусияти жуда қўл келади. Маълумки, сийдик ҳайдовчи барча дорилар танадаги калийни ювиб 
чиқаради. Бу нарса юрак-томир касалликларидан азият чекувчилар учун жуда хавфли. Анор 
шарбатида эса ҳаммаси аксинча – у шишни, босимни камайтиришга ѐрдам беради. Шу билан бирга 
юрак фаолиятини қўллаб-қувватлайди, унга калий етказиб беради. 
Анор сувидан мунтазам истеъмол қилиш саратон пайдо бўлиши, айниқса простата саратони 
олдини олади. Демак, анор суви эркаклар учун фойдали. 
Халқаро тадқиқот гуруҳи аниқлашича, ферментланган анор шарбатининг биологик фаол 
моддалари саратон ҳужайралари ҳосил бўлишини 46 % га камайтиради. 
Анор шарбати яхши сингади, иштаҳани очади, ошқозон фаолиятини бошқаради, 
гемоглобинни оширади. У сийдик ҳамда ўт ҳайдовчи, шамоллашга қарши, антисептик, оғриқ 
қолдирувчи хусусиятларга эга. 
Анор шарбати инсон танасининг радиацияга нисбатан қаршилигини оширади. Ширин анор 
шарбатидан кўзга мато билан шимдириб қўйиш шабкўрлик олдини олади. 
Овқатдан олдин ярим стакан анор суви ичиш организмнинг касалликларга қарши 
чидамлилигини оширади, иммунитетни кучайтиради. 
Оғиздаги, томоқдаги шамоллашларда ҳам анор шарбати қўлланади. Бунда анор шарбати 
билан оғиз чайилади, ғарғара қилинади
96
.