1-БЎлим. Бахтли ҳаёт асослари бахтнинг баҳоси қанча?

Даволаш чоралари. 
Психотерапевтлар қайд этишича, қўл терлашидан даволаниш ташқи воситалар орқали амалга 
оширилиши қийин. Бунинг учун инсон руҳиятини даволаш керак. Агар инсон қўрқувни, ҳаяжонни 
вақтида енга олса, кафтлар терлашидан халос бўлади. 
Шифокорлар кафт терлашига қарши турли дори воситаларини тавсия этадилар. Масалан, 
формалин ѐки танин эритмаси, алюмин гексахлорид ѐки глутаралдегид сингари препаратларни ѐзиб 
беришлари мумкин. Бироқ унутмаслик керак: бундай воситалар қўл терлашини вақтинчалик тўхтатади 
ѐки қисман камайтиради. Акс таъсир кўрсатганда кафтларда турли аллергик асоратлар келтириб 
чиқариши ҳам мумкин. 
Сўнгги вақтларда шифохоналарда мазкур муаммога қарши жарроҳлик амалиѐти ҳам 
ўтказилмоқда. Масалан, симпатектомия ѐки тер безларига борувчи симпатик асаб толаларини кесиш 
амалиѐти мавжуд. 95 фоиз ҳолатда бу амалиѐт ижобий самара беради. Бироқ бу, айрим беморларда 
тананинг бошқа аъзолари терлашини ошириб юбориши ҳам эҳтимолдан холи эмас. 
Шунингдек, айрим мамлакатларда ботокс дори воситаси ѐрдамида кафт терлашига қарши 
курашилмоқда. Организмга игна орқали юборилувчи мазкур препарат кафт терисидаги тер безларига 
бораѐтган асаб импулслари тартибини бузиб юборади. Натижада тер ажралиб чиқиши тўхтайди. Битта 
ботокс инъексияси олти ойгача таъсир кўрсатади. Шундан сўнг кафт терлаши яна давом этади... 
Халқ табобати. 
Халқ табобатида ҳам қўл терлашига қарши турли чора-тадбирлар мавжуд. Масалан, кунига 
икки маҳал қўлларни сирка эритмаси билан ювиш ѐки лимон шарбати суртиш фойда беради. 
Шунингдек, эман дарахти пўстлоғи, марварак (шалфей), календула, қончўп (чистотел), бошқа доривор 
гиѐҳлар дамламасидан фойдаланиш мумкин. Олма сиркаси, аччиқтош, салитсил кислотаси ѐки 
камфорали спирт ҳам қўл терлашида ѐрдам беради. 
Айрим фойдали тавсиялар. 
Қўлларни тез-тез ювинг, сочиқ билан яхшилаб артинг. Қўл учун мўлжалланган спиртли 
антисептик воситаларни доим ўзингиз билан олиб юринг. Ёнингизда рўмолча, қуруқ салфеткалар 
бўлсин. Терлашга олиб келадиган буюмларни қўлда кўтариб юрманг. Кафт терисига ҳаво 
ўтказмайдиган қўлқопдан заруратсиз фойдаланманг. Муҳим учрашувлардан олдин асабингизни 

---

127 
тинчлантиринг. Бунинг учун қўл терлашига асосан асабийлашиш сабаб бўлишини ѐдда тутинг. 
Кўзларингизни юмиб, уч-тўрт марта чуқур нафас олинг
98
.