Тошкент вилояти чирчиқ давлат педагогика институти ҳузуридаги илмий даражалар берувчи phD

“Педагогик таълим кластери илмий-педагогик муаммо сифатида”
деб номланган биринчи параграфда педагогик таълим кластерини илмий-
педагогик муаммо сифатида тадқиқ қилиш, самарадор усул эканлигини 
илмий асослаш ва амалиётга жорий этиш механизмлари бўйича илмий 
асосланган таклиф, тавсия ва хулосалар ишлаб чиқиш илмий жамоатчилик 
олдидаги долзарб муаммо эканлиги асосланган.
Педагогик таълим кластерининг илмий-педагогик муаммо сифатида 
тадқиқ қилиш йўналишлари, географик миқёс бўйича даражалари,
субъектларини алоқаларнинг шакли, ўзаро ҳамкорликнинг тузилиши, 
иштирокчилар фаолиятининг хусусияти, пайдо бўлиш табиати, асосий 
ресурснинг тури, географик таркибий қисмнинг мавжудлиги каби қатор 
белгилари бўйича тасниф қилиш педагогик таълим инновацион кластери 
тушунчасининг илмий-назарий ва педагогик асосларини ҳар бир субъектнинг 
манфаати нуқтаи назаридан ёритиш имкониятини бериши далилланган. 
Шунингдек, “кластер” ва “тизим” тушунчаларининг муносабати, уларнинг 
ўхшаш ва фарқли белгилари очиб берилган. Тадқиқот доирасида Тошкент 
вилояти мактабгача таълим, халқ таълими тизимидаги мавжуд ҳолат, 
сўровномалар 
натижасида 
аниқланган 
муаммолар 
ва 
кластер 
субъектларининг хусусиятларидан келиб чиққан ҳолда ишлаб чиқилган 
лойиҳа йўналишларининг илмий тавсифи берилган.
Биринчи бобнинг
“Таълим кластери” тушунчасининг илмий-
назарий ва педагогик асослари”
деб номланган иккинчи параграфида 
“кластер” тушунчаси соҳалар бўйича изоҳланган, кластер ҳамкорлигининг 
одатдаги ҳамкорликлардан фарқли белгилари тавсифланган. Таълимга 
нисбатан кластер ёндашув борасида хорижий тадқиқотчиларининг ишларини 
ўрганиш ва таҳлил қилиш асносида “таълим кластери” тушунчасининг 
таърифлари умумлаштирилган. Жумладан: 
-
 
таълим-фан-ишлаб чиқариш тизимида инновацияларни қўллаб-
қувватлашни шакллантириш воситаси (Л.И.Осечкина);
3