فَعَّلَ II боб фeълининг мaънолaри

II БОБ ФEЪЛИ
Феълнинг II боби I боб феълидан иккинчи ўзак ундошни иккилантириш йўли билан ҳосил бўлади. I бобнинг ўтган замонида иккинчи ўзак ундошнинг ҳаракати қандай бўлишидан қатъий назар II бобнинг ўтган замонида у фатҳалидир: فَعَّلَ
II боб фeълининг мaънолaри
I бобдаги феъл ифодалаган иш-ҳаракатнинг кучли амалга ошганлигини, шу иш ҳаракат бир неча марта қайтарилганини ёки иш-ҳаракатнинг объекти кўп эканлигини билдиради.

1. 
   ضَرَبَ – урмоқ → ضَرَّبَ– роса урмоқ
   
2. 
   قَطَعَ– кесмоқ → قَطَّعَ– майдаламоқ
   

2) I бобдаги ўтимсиз феъллар II бобда ўтимли феълга айланади.
نَظُفَ – тоза бўлмоқ → نَظَّفَ – тозаламоқ
حَسُنَ – яхши бўлмоқ → حَسَّنَ – яхшиламоқ

3. 
   I бобдаги ўтимли феъллар II бобда шу феълнинг орттирма нисбатига айланади.
   

عَلِمَ– билмоқ →عَلَّمَ– ўргатмоқ
شَرِبَ – ичмоқ → شَرَّبَ – ичирмоқ

4. 
   I боб феъли ифодалаган иш ҳаракатни мавжуд деб ҳисоблаш маъносини билдиради.
   

كَذَبَ – ёлғон гапирмоқ → كَذَّبَ – ёлғон деб ҳисобламоқ, рад этмоқ.
صَدَقَ – ростгўй бўлмоқ → صَدَّقَ – ишонмоқ

5. 
   Бирор предмет шаклига киритиш маъносини билдиради. Бу маънодаги II боб феъли ўша предметни ифодалаган сўзнинг ўзаги асосида ясалади.
   

نُحاسٌ – мис → نَحَّسَ – мис қопламоқ
ذَهَبٌ – олтин →ذَهَّبَ – олтин суви бермоқ

6. 
   У ёки бу иборани талаффуз қилиш маъносини билдиради.
   

اللَّه أكْبَر – كَبَّرَ – “Оллоҳ энг буюкдир” иборасини айтмоқ
صَباحَ الخَيْرِ – صَبَّحَ – “Хайрли тонг” иборасини айтмоқ.