«воспитание нового поколения в эпоху глобального преобразования: вызовы и перспективы»

Foydalanilgan adabiyotlar:
1. Ўзбeкистон Рeспубликаси Прeзидeнтининг 2019 йил 8 октябрдаги ПФ-5847-сонли “Ўзбекистон 
Республикаси олий таълим тизимини 2030 йилгача ривожлантириш концепциясини тасдиқлаш 
тўғрисида” ги фармони \\ www.lex.uz 
2. Хакимов 3. Таълим ва тарбия – уйғониш даври пойдевори
.
“Янги Ўзбекистон”, 2021 йил 5 январь.
3. Ячник Е.А. (2012). Совершенствование системы управления взаимодействием региональных 
институтов государства, бизнеса и научно-образовательных структур // Terra Economicus, т. 10, № 4, с. 
242-246. 

---

178 •
1 APRIL 2022
•
ВОСПИТАНИЕ НОВОГО ПОКОЛЕНИЯ В ЭПОХУ ГЛОБАЛЬНОГО ПРЕОБРАЗОВАНИЯ
RAISING A NEW GENERATION IN ERA OF GLOBAL TRANSFORMATION •
1 APRIL 2022
•
179
YANGI DAVR BIZNES BOSHQARUVI: MUAMMOLAR VA STRATEGIYALAR
D. Egamkulov 
SamISI talabasi 
Annotatsiya. 
Mazkur maqolada yangi davr biznesi tushunchasi, unda boshqaruv strukturasi, kutiladigan 
muammolar va e’tiborga olish lozim bo‘lgan strategiyalar borasida so‘z yuritiladi va tahlil etiladi.
Kalit so‘zlar: 
biznes, tadbirkorlik, yangi davr, muammo, strategiya.
Аннотация.
В этой статье рассматриваются и анализируются концепции бизнеса новой эры, структура 
управления, ожидаемые проблемы и стратегии, которые необходимо учитывать.
Ключевые слова: 
бизнес, предпринимательство, новая эра, проблема, стратегия.
Abstract: 
This article discusses and analyzes the business concepts of the new era, the management 
structure, expected problems and strategies that need to be taken into account.
Keywords: 
Business, entrepreneurship, new era, problem, strategy.
Bugun O‘zbekiston o‘z mustaqil taraqqiyotining sifat jihatidan yangi bosqichiga qadam qo‘ydi. Bu yo‘lda 
u jahonning ko‘plab mamlakatlari va yirik xalqaro tashkilotlar bilan turli sohalarda samarali hamkorlik qilib 
kelmoqda. Xususan, xorijiy davlatlar bilan do‘stona hamda o‘zaro manfaatli munosabatlarni rivojlantirish 
borasida muhim natijalarga erishilyapti.
Aytish mumkinki, davlatimiz rahbari bugungi kunda nafaqat O‘zbekiston, balki Markaziy Osiyoning 
farovonligi uchun jon kuydirayotgan, mintaqani sanoati rivojlangan, obod va dunyo bilan keng 
integratsiyalashgan hududga aylantirish orzusi bilan yashab, shunga monand mehnat qilayotgan yetakchi 
sifatida namoyon bo‘lmoqda. 
O‘zbekiston Respublikasi Prezidentining 28.01.2022-yildagi PF-60-sonli “2022–2026-yillarga 
mo‘ljallangan yangi O‘zbekistonning taraqqiyot strategiyasi to‘g‘risida”gi Farmonida ham yangi davr iqtisodiy 
masalalariga katta ahamiyat qaratilgan. Bunda Taraqqiyot strategiyasining 3-yo‘nalishi “Milliy iqtisodiyotni 
jadal rivojlantirish va yuqori o‘sish sur’atlarini ta’minlash” bo‘yicha jami 16 ta maqsad, 4-yo‘nalishi “Adolatli 
ijtimoiy siyosat yuritish, inson kapitalini rivojlantirish” bo‘yicha 34 ta maqsad bo‘lib, ularning barchasi 
mamlakatimiz iqtisodiy-ijtimoiy sohasini yuksaltirish, yangi davr globallashuv jarayonlariga mos ravishda 
innovatsion texnologiyalar va strategiyalarni ishlab chiqish, ularni amalda muvaffaqiyatli joriy qilishga 
qaratilgan desak mubolag‘a bo‘lmaydi.
Yangi davr biznesida biznes strategiyasi o‘ta muhim masala hisoblanadi. Biznes strategiyasi kompaniya 
faoliyatidagi o‘ta muhim yo‘nalishlardan biridir. Strategik qarorlar korxona va kompaniyaning ko‘p yillik 
rivojlanishiga juda muhim ta’sir ko‘rsatsa, strategik xatolar esa tuzatib bo‘maydigan oqibatlarga olib kelishi 
mumkin. Korxona faoliyatida esa biznes strategiyasi “shtab funksiyasi” rolini bajaradi. Bu shtabda raqobat 
fronti kurashining uzoq muddatli rejalari ishlab chiqiladi. Rejali tizim sharoitida raqobat korxona uchun hech 
qanday mazmunga ega emas edi. O‘z navbatida strategik rejalashtirish hech qanday jiddiy mazmunga ega 
bo‘lmagan. Bugun sharoit o‘zgardi va endilikda strategik qarorlarga ega bo‘lmasdan turib, raqobat kurashida 
g‘olib chiqish mumkin emas. 
Bundan tashqari, asta-sekin yangi iqtisodiy fikrlash shakllanib kelmoqdaki, uning doirasida arzon 
xomashyo, arzon ishchi kuchi va zamonaviy texnologiyalarga erishish kompaniya uchun raqobat ustunliklarini 
tashkil etmayapti. Bularning barchasini zamonaviy texnologiyalar bilan qo‘shib, ulkan bozorlarda sotib olish 
mumkin. Raqobatdagi ustunlik bugungi sharoitda innovatsiyalar, kompaniyaning o‘zgarishlarga layoqati 
(qodirligi) va qo‘llayotgan strategiyalaridan tashkil topadi.
Biznes strategiyasining qismlari sifatida missiyalar ham muhim ahamiyatga ega. Missiya bu zamonaviy 
strategik boshqaruv nazariyasining asosiy tushunchalaridan biri. Missiyaga turli mualliflar turlicha ta’rif 
berishadi. Ba’zilar tashkilot missiyasini gipermaqsad yoki “maqsadning shunday shakliki, ma’lum biznesni 
boshqa unga o‘xshash korxonalardan farqini osongina ko‘rsatadi. Boshqalarning fikriga ko‘ra korxona 
missiyasi uning barcha ishlab chiqarish tizimi tamoyillari ta’rifiga ko‘ra aniqlanadi”.
Strategik boshqaruv jarayonining boshlang‘ich punktini biznes g‘oyaning tug‘ilishi va tadbiq qilinishi 
deb bilish ma’qullanadi. Biznes g‘oya bu har qanday tijorat va ishlab chiqarish faoliyatining “ruhi” hisoblanadi. 
“Ruh”siz biznes bo‘lishi mumkin emas.
Yangi davr biznesi strategik boshqaruv modelida strategiyalar tashkilotda o‘z o‘rniga ega bo‘lgan uch 
turga farqlanadi:
korporativ strategiya — korxonani bir butunlik sifatida ko‘rsatuvchi strategiya (bir necha faoliyat turi 
bilan shug‘ullanuvchi korporatsiya);

---