Патологик

Зардоб касаллиги: 

---

182 
Зардоб касаллиги организмга - даволаш зардоблари баъзида 
антибиотиклар юборилганида пайдо бўлиши мумкин. Аммо ҳамма 
инсонларда эмас, балки хар хил муаллифлар маълумотларига қараганда 10-
60% ҳолларда учрайди. Зардоб касаллиги пайдо бўлишининг мухим шарти 
бўлиб, инсонни аллергик касалликларга мойиллиги (аллергик конституция) 
ҳисобланади. Касалликни моҳияти хозирча етарлича маълум эмас. Эҳтимол 
бу вегетатив нерв системасининг хусусйятлари, гистаминазанинг фаоллиги 
билан боғлиқ бўлса керак. Зардоб касаллиги анафилактик шокдан фарқ 
қилиб, бегона зардобни 1 чи марта юборгандан кейиноқ пайдо бўлиши 
мумкин. 
Инсонларда зардоб касаллигининг икки шаклини кузатиш мумкин. 
1.Инсонга бегона зардобни (кўпинча от зардоби) даволаш ёки профилактика 
мақсадлари учун ягона марта қўлланганида пайдо бўлади. Зардоб 
юборилгандан 7-12 кун ўтганда беморни регионал лимфа тугунлари 
катталашади, эшак еми тошади, қизил қичийдиган тошма юзага келади, 
кўпинча беморни юзи, ковоғи, бети ва бўғинларида эдема пайдо бўлади, 
баъзида бўғинлари оғрийди, иситмалайди. Зардобни юборгандан кейин бу 
белгиларни пайдо бўлиш муддати ўртасида аниқ мослик мавжуд, чунки у 
антителолар хосил бўлиши бошланишига аниқ мос келади. 
Зардоб касаллигининг ривожланиш механизми шундаки,организмга 
юборилган бегона оқсил преципитинлар типидаги антителоларни хосил 
бўлишига олиб келади. Бу антителоларни бир қисми ҳужайраларда бирикади, 
бир қисми эса қонда айланиб юради. Тахминан бир ҳафтадан сўнг қондаги 
антителолар титри кўпайиб организмда хали сақланаётган бегона зардоб 
оқсиллари. яъни специфик аллерген билан реакцияга кириш даражасига 
етади. Аллергенни антитело билан бирлашиши натижасида иммун комплекс 
хосил бўлади ва у тери, буйрак ва бошқа органларнинг капилларларини 
эндотелийларига чўкади. Бу чўкма капиллярлар эндотелийларини 
шикастлайди,томирлар ўтказузчанлигини оширади. Натижада аллергик 
эдема, эшак ем, лимфа тугунларни, буйрак коптокчаларини яллиғланиши ва 
зардоб касаллиги учун хос бошқа ўзгаришлар пайдо бўлади.