S xolmuratov korxonada kadrlar

Yopiq uslubdagi kadrlar siyosati
– yangi xodimlarni quyi 
bo‘g‘indagi rasmiy xodimlar hisobiga qabul qilishga qaratilgan 
kadrlar siyosati.
Kadrlar 
– korxona bilan mehnat munosabatlarida bo‘lgan 
xodimlar va mustaqil xodimlarning umumiy tarkibi hisoblanadi. 
Kadrlar malaka, kasbiy mahorat, tajribaga ega hamda professional 
ko‘nikmalarini doimiy ravishda takomillashtirib boruvchi, 
vazifalarini yuqori sifatda bajarishga layoqatli xodimlardir. Ushbu 
kitobda “xodimlar” atamasi va “personal” tushunchasi maz-
munan bir xil ma’noni anglatadi. 
Kadrlar siyosati
- keng ma’noda korxona rahbariyati va 
mehnat jamoasi uchun ishlab chiqarish texnologiyasi, ijtimoiy 
mehnat ko‘rsatkichlari va korxonaning rivojlanish strategiyasiga 
muvofiq tarzda ishlab chiqilgan va tasdiqlangan qarashlar, prinsip 
va me’yorlar majmuidir. Tor ma’noda – mehnat jamoasining 
barcha bo‘g‘inlarida korxonadagi ish jarayoni davomida
xodimlarning ishlab chiqarish va xizmat ko‘rsatish borasidagi 
xatti-harakati va mas’uliyatini belgilovchi qoida hisoblanadi. 

---

172 
Korxonaning kadrlar xizmati
- korxona tarkibidagi kadrlar 
siyosati strategiyasiga muvofiq personalni ishga qabul qilish va 
ozod etish, ularning kasbiy-malakaviy talablarini nazorat qilish 
vazifalarini bajarishga ixtisoslashtirilgan bo‘linma hisoblanadi. 
Korxonaning kadrlar salohiyati
– korxona xodimlari o‘z 
lavozim vazifalarini yuqori saviyada bajarishlari bilan bog‘liq
tashkiliy, malakaviy imkoniyatlar; korxonaning uzoq muddatli 
rivojlanish maqsadlariga erishishda xodimlarning miqdor va sifat 
holati tavsifi; xodimlarning joriy mavjud va istiqbolli davrda 
egallanuvchi salohiyatlari integral tizim bo‘lib, ma’lum bir vaqtda 
foydalanilishi talab etiladi. Xodimlarning salohiyati korxona 
mehnat salohiyatining muhim qismi hisoblanadi. 
Karyera – xodimning lavozimda yoki kasbiy-malakaviy darajasi 
o‘sishi. Mehnat jarayonida insonning faolligini ifodalovchi holati va 
xatti-harakatining ongli dinamikasi natijasi hamdir.