Ozbek-Tariyx-1-70-(каракалпак). indd

8-tema. 
Ózbekstanda milletleraralıq qatnasıqlar hám keńpeyillik
Milletleraralıq tatıwlıq ideyası.
Milletleraralıq tatıwlıq ideyası 
Jer júzinde jasap atırǵan barlıq etnikalıq toparlardıń teń huqıqlılıq, 
óz ara húrmet hám birge islesiw tiykarında tınısh-tatıw jasaw ideyası 
bolıp tabıladı. Milletleraralıq tatıwlıq ideyası tınıshlıq hám turaqlılıq 
ideyası bolıp esaplanadı. Ol barlıq millet hám elatlardıń tili, úrp-
ádeti, dástúrleri, bayramlarınıń rawajlanıwın talap etedi. Milletshilik, 
fashizm, milliy hám entikalıq kórinistegi urıslarǵa qarsı turatuǵın 
birden bir aǵartıwshılıq ideyası. Ásirese, búgin neofashizm bas kóterip 
atırǵan civilizaciyalar aralıq soqlıǵısıwlar júz berip atırǵan sharayatta 
milletleraralıq tatıwlıq ideyası áhmiyeli orın iyeleydi.
Elimizdegi túrli millet wákilleri
Este saqlań!
Ózbekstan Respublikası Konstituciyasınıń 8-statyasında «Ózbek-
stan xalqın milletine qaramastan, Ózbekstan Respublikasınıń puqa-
raları quraydı» degen áhmiyetli qaǵıyda belgilep qoyılǵan.
Búgin Ózbekstanda 138 milliy-mádeniy oraylar milletleraralıq tatıwlıq 
ideyasın turmısqa engizbekte.
Ruslardıń «Maslennica», tatarlardıń «Sabantoy», uyǵırlardıń «Sayil» 
bayramları, qıtaylardıń «Chunuze» jańa jılı, koreyslerdiń «Soller» hám 
«Ovol — tano» bayramları belgilenbekte. Hár jılı respublikamız kóle-
minde «Biz bir shańaraq perzentlerimiz», «Watan jalǵız, Watan birew», 
«Ózbekstan—ulıwma úyimiz» súreni astındaǵı festivallar ótkerilmekte.
Ózbekstanda milletleraralıq qat-
nasıqlar.
Ózbekstan aymaǵında óz 
mádeniyatı hám óz dástúrlerine iye 
bolǵan 130 dan artıq millet hám elat 
wákilleri jasaydı. Olar da eldiń barlıq 
puqaraları qatarı birdey huqıq hám 
minnetlemelerge iye.
Ózbekstan Respublikası Konstitu-
ciyasınıń 4-statyasında kórsetilgenin-

---

62
dey, Ózbekstan Respublikası óz aymaǵında jasawshı barlıq millet 
hám elatlardıń tilleri, úrp-ádetleri hám dástúrleriniń húrmet etiliwin 
támiyinleydi, olardıń rawajlanıwı ushın sharayat jaratadı.
Kóp milletli el siyasatınıń tiykarǵı maqseti milletleraralıq tatıwlıq 
hám diniy keńpeyillikti qáliplestiriw bolıwı zárúr. Ǵárezsizliktiń dáslepki 
kúnlerinde-aq milliy siyasattıń ózine tán jolı islep shıǵıldı, sonıń menen 
birge siyasat milliy keńpeyilliktiń turaqlı rawajlanıwına tiykar jarattı.
Ózbekstanda jasawshı hár túrli millet wákilleriniń mádeniy mútáj-
liklerin qanaatlandırıw ushın milliy-mádeniy orayları (MMO) xızmet 
kórsetedi. Dáslepki milliy-mádeniy oraylar koreysler, qazaqlar, evreyler, 
armyanlar tárepinen respublikamız wálayatlarında 1989-jılı dúzilgen. 
Bul oraylardıń rawajlanıwı hám gúlleniwi Ózbekstan ǵárezsizlikke eris-
kennen keyin baslandı. Bul dáwirde olardıń nátiyjeli xızmet kórsetiwi 
ushın keń imkaniyatlar jaratıldı. Nátiyjede, olardıń sanı jıl sayın artıp 
bardı.