Ozbek-Tariyx-1-70-(каракалпак). indd

Óz betinshe jumıs.
Tómendegi maǵlıwmat tiykarında, qosımsha ádebiyatlardan paydalanǵan 
halda kishi esse jazıń!
1996-jıldan baslap 16 jasqa shekemgi balaları bolǵan barlıq shańaraqlarǵa 
beriletuǵın hár aylıq napaqalar kóbeyttirilip, bul járdem pullar balalardıń 
sanına qarap tómendegi muǵdarda belgilendi: bir balalı shańaraqlarǵa — eń 
kem is haqınıń 30%; eki balalı shańaraqlarǵa — eń kem is haqınıń 60%; úsh 
balalı shańaraqlarǵa — eń kem is haqınıń 80%; tórt balalı shańaraqlarǵa — eń 
kem is haqınıń 100%; bes hám onnan kóbirek balalı shańaraqlarǵa — eń kem 
is haqınıń 120%.

---

56
shekem napaqalar beriletuǵın boldı. Mayıp balalardı salamatlastırıw 
maqsetinde Densawlıqtı saqlaw ministrligi, «Salamat áwlad ushın» 
fondınıń baslaması menen, shet elli birge islewshiler menen birge tuwma 
nuqsanları bar bolǵan balalardı quramalı xirurgiyalıq jolı menen emlew 
jumısları ámelge asırıldı.
Este saqlań!
1997-jıldan baslap, hár jılı 1-klass oqıwshılarına biypul oqıw 
quralları, sabaqlıqlardı beriw engizildi, kem támiyinlengen shańa-
raqlardıń baslanǵısh klaslarda oqıytuǵın balalarına biypul qısqı ıssı 
kiyimler beriw jolǵa qoyıldı.
Qariyalardı qorǵaw.
Elimizde xalıqtıń járdemge mútáj bólimin, 
sonıń ishinde, jalǵız baslı qariyalar, pensionerler hám mayıplardı 
sociallıq qorǵawdı jáne de kúsheyttiriwge ayrıqsha itibar qaratılmaqta. 
Atap aytqanda, 2005-jılı — «Salamatlıq jılı»nda 2 mıńǵa jaqın jalǵız 
baslı nuranıydiń úy-jayı qayta ońlawdan shıǵarıldı, kem támiyinlengen 
shańaraqlar hám kekse puqaralarǵa materiallıq járdemler kórsetildi.
Ózbekstan Respublikası Prezidentiniń 2006-jıldaǵı «2007 — 2010- 
jılları jalǵız baslı qariyalar, pencioner hám mayıplardı anıq sociallıq 
qorǵaw hám olarǵa xızmet kórsetiwdi jáne de kúsheyttiriw ilajlarınıń 
baǵdarlaması haqqında»ǵı qararına muwapıq, «Nuranıy» fondı esabınan 
xalıqtıń sociallıq qorǵawǵa mútáj qatlamlarına, veteranlardıń emleniw 
orınlarına, «Sahawat» hám «Múriwbet» úylerine dári-darmaq zatların 
jetkerip berdi. Ózbekstan Respublikası Miynet hám xalıqtı sociallıq 
qorǵaw hám de Densawlıqtı saqlaw ministrlikleriniń aymaqlıq bólimleri 
menen birgelikte nuraniyler tolıq dispanser kóriginen ótkerildi.
Tashkent qalasında nuraniylerimizge barlıq qolaylıqlarǵa iye 150 
orınlı «Nuranıy» dem alıw orayı xızmet etpekte. Wálayat emlewxanaları 
janındaǵı poliklinikalarda fondtıń wálayat bólimleri hám de jergilikli 
hákimliklerdiń ámeliy járdemi menen dúzilgen jalǵız baslı qariyalar hám 
mayıplardı biypul emlewshi «Nuranıyler xanaları» xızmet kórsetpekte. 
Respublikamızdaǵı barlıq «Sahawat» hám «Múriwbet», «Mehribanlıq» 
úyleri hám de arnawlı mektep-internatlarǵa qáwenderler tárepinen hár 
jılı materiallıq járdem berip barıladı. 2015-jılda da qariyalardıń turmıs 
dárejesi hám jaǵdayın jáne de jaqsılaw, olardı materiallıq hám ruwxıy 

---

57
qollap-quwatlaw kólemin keńeyttiriw, jası úlken insanlar, ásirese, 
1941—1945-jıllardaǵı urıs hám miynet frontı veteranlarına sociallıq, 
pensiya támiynatı hám medicinalıq xızmet kórsetiwdi jetilistiriw 
maqsetinde 2015-jılı — «Qariyalardı qádirlew jılı» dep járiyalandı. Hár jılı 
urıs qatnasıwshıları hám front artında miynet etkenlerge biypul xızmet 
kórsetilmekte, olar sanatoriya hám kurortlarda emlenbekte, basqa zárúr 
zatlar menen támiyinlenbekte.