1-мавзу: Технология фани Давлат таълим стандарти, ўқув дастури, дарслик ва методик қўлланмалари мазмуни

Амалий фаолият билан боғлиқ мақсадлар: 
- ўқувчиларда тўла қонли турмуш кечириши учун керак бўладиган 
фикрлаш, мушоҳада юритиш, абстракт ҳамда дедуктив мулоҳаза юрита олиш 
кўникмаларини шакллантириш; 
- ўқувчиларда мустақил ишлаш, ўрганиш ва таълим олиш амалий фаолият 
кўникмаларини шакллантириш. 
Тарбиявий мақсадлар: 
- ўқувчиларда ижобий қадрятларни шакллантириш асосида жамоавий 
фаолиятда ўз ўрнини топиш, муомала маданияти ва ўз ҳатти-ҳаракатларининг 
миқдорий жиҳатларини баҳолай олиш ҳамда юқори натижа олишга интилиш 
хислатларини таркиб топтириш. 
Мазмуний мақсадлар: 
- ўқувчиларда таълимнинг кейинги бўғинларида таълим олишини давом 
эттиришга етарли бир тизимга солинган технологик билимларни шакллантириш;
- ўқувчиларда фанни инсоният тарихи ривожида, маданиятда, фан ва 
ишлаб чиқариш ҳамда кундалик турмушда тутган ўрнини англатган ҳолда, реал 
амалий муаммоларни ҳал қилишнинг асосий воситаларидан бири бўлган 
технология фани асослари билан таништириш. 
Дарс мақсади ва натижаларининг ўзаро мутаносиблигини таъминлаш. 
Маълумки, ДТС талаблари умумий тарзда ифодаланган болиб, ҳар бир 
билим ва кўникмалар ҳақидаги талаблар аввалига синфлар, сўнг боблар, сўнг 
мавзулар ва ниҳоят мавзуга ажратилган дарс соатлари кесимида аниқлаштириб 
борилади. Шундай қилиб ҳар бир дарсда бир ДТС нинг қайсидир билим ва 
кўникмаларга қўйилган талабларни ўқувчиларда шакллантириш билан 
шуғулланамиз. Шу жиҳатдан, ҳар бир дарснинг таълимий мақсадларини ДТС 
талабларининг кичик бир учқуни десак бўлади. Шундай экан, биринчидан дарс 
мақсадлари аниқ қўйилиши ва иккинчидан дарснинг натижалари назорат қилиб 
борилиши лозим. Бошқача қилиб айтадиган бўлсак, дарс охирида дарс мақсадида 
келтирилган ҳар бир билим ва кўникмаларнинг шакллантирилганлиги 
текширилиши ва назорат қилиб борилиши лозим. Шу нуқтаи назардан, дарс 
мақсади ва унинг натижалари бир-бирига уйғун тарзда ифодаланиши лозим. 
Бу ўринда дарснинг дарсга якун ясаш босқичида бериладиган саволлар, 
кичик топшириқлар, мустақил иш масала-мисоллари ҳамда уйга берилган 
вазифалар шундай тузилиши керак-ки, улар дарс мақсадида белгиланган билим ва 
кўникмаларнинг шаклланган ёки шаклланмаганини аниқлаб берсин. 
Замонавий педагогикада инсон ўз фаолияти, ҳатти-ҳаракати ва уларнинг 
натижаларини таҳлил қилишига (ўзини-ўзи баҳолашига) 
рефлексия
деб аталади. 
Рефлексия ўқувчиларга ўз ўқув фаолиятлари ва уларнинг натижаларини 
баҳолашларига ёрдам беради. Шунингдек, кейинги ўқув фаолияти мақсадини 
белгилашига ва уларга тузатишлар киритишига замин яратади. Шу жиҳатдан 
ундан айнан дарс натижаларини баҳолашда фойдаланиш мумкин бўлади.