1-мавзу: Технология фани Давлат таълим стандарти, ўқув дастури, дарслик ва методик қўлланмалари мазмуни

 

---

190
8-мавзу: Технология фанидан тестлар, назорат иши саволлари, муаммоли 
топшириқларни тузишга қўйилган талаблар ва уларнинг турлари
(4 соат амалий машғулот). 
Амалий машғулотдан кўзланган мақсад:
тингловчиларга технология фанидан назорат иши саволлари, муаммоли 
топшириқлар, тестларни тузишга қўйилган талаблар, уларнинг турлари ва ишлаб 
чиқиш усулларини ўргатишдан иборат. 
 
Тингловчилар фаолиятини ташкил қилиш бўйича йўл-йўриқлар: 
1-амалий топшириқ. 
Тест турлари бўйича синфлар кесимида тестлар 
ишлаб чиқиш. 
 
 
2-амалий топшириқ. 
Назорат иши саволларини танланган синфлар бўйича 
чораклар кесимида белгиланган талаблар асосида тузиш. 
3-амалий топшириқ. 
Дарслик ва методик қўлланмалардаги мавзулар 
бўйича турли мураккабликлардаги ва ҳаётий бўлган муаммоли топшириқларни 
ишлаб чиқиш. 
 
Амалий машғулот учун назарий материаллар: 
Тест усули ёрдамида ўқувчиларнинг технология фанидан билим ва 
кўникмаларини текшириш дастурлаштирилган таълим методининг усулларидан 
бири ҳисобланади. Тест усулининг муваффақияти кўп жиҳатдан ўқувчиларнинг 
билим даражасига ва дарс мавзусининг мазмунига қараб тестнинг ҳар хил 
турларидан фойдаланишга ва уларга доир топшириқларни изчил туза билишга 
боғлиқ бўлади. Технология фанини ўқитишда тестнинг қуйидаги турларидан 
фойдаланиш тавсия этилади. Шуни қайд қилиш керакки, жами тестнинг 40% ини 
ўртача ўқийдиган, 60% ини яхши ўқийдиган, 80% ини аълочи ва иқтидорли 
ўқувчилар, ҳаммасини эса, фақат иқтидорли ўқувчиларгина бажара оладиган 
бўлиши лозим. 
Бугунги кунда технология фани бўйича тестлар ишлаб чиқилган бўлсада, 
лекин тест турлари бўйича синфлар кесимида алоҳида тестлар тўплами 
тайёрланмаган. Қуйидаги слайдда тест турлари келтирилган бўлиб, амалий 
машғулот давомида синфлар кесимида йўналишлар бўйича тестларни ишлаб 
чиқиш лозим (6-слайд).