Ўзбекистон республикасининг маъмурий жавобгарлик тўҒрисидаги кодекси биринчи бўлим умумий қоидалар I боб. Асосий қоидалар

233-модда. Чақирилувчилар ва ҳарбий хизматга мажбурларнинг дастлабки 
ҳисобини юритиш учун зарур бўлган ҳужжатларни ўз вақтида тақдим этмаслик
Раҳбарлар ёки ҳарбий ҳисоб ишлари учун масъул бўлган бошқа шахсларнинг, 
шунингдек уй эгаларининг туман (шаҳар) мудофаа ишлари органларига ва ҳокимликларга уй 
дафтарларини, чақирилувчилар ёки ҳарбий хизматга мажбур ҳисобланган шахсларнинг қайд 
қилиш карточкаларини ва ҳарбий ҳисоб ҳужжатларини ҳарбий ҳисобга олиш ёки ҳисобдан 
чиқаришни расмийлаштириш учун ўз вақтида тақдим этмаслиги —
энг кам иш ҳақининг ўндан бир қисмидан иккидан бир қисмигача миқдорда жарима 
солишга сабаб бўлади.
Худди шундай ҳуқуқбузарлик маъмурий жазо чораси қўлланилганидан кейин бир йил 
давомида такрор содир этилган бўлса, — 
энг кам иш ҳақининг иккидан бир қисмидан бир бараваригача миқдорда жарима 
солишга сабаб бўлади.
 LexUZ шарҳи 
Қаранг: Ўзбекистон Республикасининг 2002 йил 12 декабрдаги 436-II-сон «Умумий ҳарбий 
мажбурият ва ҳарбий хизмат тўғрисида»ги Қонунининг 
45-моддаси
. 
234-модда. Чақирилувчилар ва ҳарбий хизматга мажбурлар тўғрисидаги 
маълумотларни хабар қилмаганлик
Тиббий-меҳнат эксперт комиссиялари мансабдор шахсларининг ногиронлик 
гуруҳидан қатъи назар, ногирон деб топилган барча чақирилувчилар ва ҳарбий хизматга 
мажбурлар тўғрисидаги маълумотларни мудофаа ишлари органларига хабар қилмаганлиги —
энг кам иш ҳақининг иккидан бир қисмигача миқдорда жарима солишга сабаб бўлади.
Фуқаролик ҳолати актларини қайд қилиш идоралари мансабдор шахсларининг туман 
(шаҳар) мудофаа ишлари органларига чақирилувчилар ва ҳарбий хизматга мажбурларнинг 
фамилияси, исми, отасининг исмидаги ўзгаришларга оид, уларнинг туғилган санаси ва жойи 
тўғрисида фуқаролик ҳолати актларини ёзиш дафтарига киритилган ўзгартиришлар ҳақидаги, 
шунингдек чақирилувчилар ва ҳарбий хизматга мажбурларнинг вафотини қайд этиш ҳоллари 
тўғрисидаги маълумотларни хабар қилмаганлиги —
энг кам иш ҳақининг иккидан бир қисми миқдорида жарима солишга сабаб бўлади.
Ушбу модданинг 
биринчи 
ёки 
иккинчи қисмларида 
назарда тутилган ҳуқуқбузарлик 
маъмурий жазо чораси қўлланилганидан кейин бир йил давомида такрор содир этилган бўлса, 
—
энг кам иш ҳақининг бир баравари миқдорида жарима солишга сабаб бўлади.
 LexUZ шарҳи 
Қаранг: Ўзбекистон Республикасининг 2002 йил 12 декабрдаги 436-II-сон «Умумий ҳарбий 
мажбурият ва ҳарбий хизмат тўғрисида»ги Қонунининг 
45-моддаси
.