Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 283-moddasi 2-qismining 
og’irlashtiruvchi holatlari boshliqqa 
qarshilik ko‘rsatish yoki uni xizmat vazifalarini buzishga majbur 
qilishning yuqorida ko‘rib chiqilgan og’irlashtiruvchi holatlari bilan bir 
288 

---

xil, ularni mazkur moddaga nisbatan qo‘shimcha tarzda ko‘rib chiqish 
taqozo etilmaydi. 
Agarda boshliqning badaniga u harbiy xizmat yuzasidan o‘z vazi-
falarini bajarganligi munosabati bilan yoki bajarayotgan vaqtda og’ir 
shikast yetkazish natijasida uning o‘limi yuzaga kelsa, aybdorning 
harakatlari 
JK 283-moddasi 2-qismi
va JK 104-moddasi 3-qismi «d» 
bandi bo‘yicha kvalifikatsiya qilinishi kerak, chunki odamni o‘ldirish 
JK 
283-moddasi 2-qismi
mazmuni bilan qamrab olinmaydi. 
Boshliqni ko‘rib chiqilayotgan moddada ko‘rsatilgan holatlarda qasd-
dan o‘ldirish JK 97-moddasi 2-qismi «g» bandi bo‘yicha kvalifikatsiya 
qilinadi. Bu holda jinoyatning 
JK 283-moddasi 2-qismi 
bo‘yicha 
qo‘shimcha kvalifikatsiyasi taqozo etilmaydi. 
Ushbu moddaning birinchi yoki ikkinchi qismida nazarda tutilgan 
harakatlar jangovar vaziyatda sodir etilgan bo‘lsa, 
JK 283-moddasi 3-
qismi
bilan kvalifikatsiya qilinadi. 
(«Jangovar vaziyat» tushunchasi to‘g’risida JK 279-moddasi tahliliga 
qarang.) 
6-§. Bo‘ysunuvchining o‘z boshlig’ini yoki boshliqning
o‘ziga bo‘ysunuvchini haqorat qilishi 
(JK 284-moddasi) 
Jinoyatning bevosita obyekti 
– boshliq va bo‘ysunuvchining sha’ni 
va qadr-qimmatini hurmat qilishni ta’minlovchi ijtimoiy munosabatlar. 
Boshliq yoki unga bo‘ysunuvchi ushbu jinoyatning 
jabrlanuvchisi 
hisoblanadi.
Obyektiv tomondan
jinoyat bo‘ysunuvchining o‘z boshlig’ini yoki 
boshliqning o‘ziga bo‘ysunuvchini shunday harakatlar uchun intizomiy 
jazo qo‘llanganidan keyin haqoratlashidir. 
Birinchi bo‘lib haqorat qilgan shaxs O‘zbekiston Respublikasi 
Qurolli Kuchlari intizomiy nizomiga muvofiq ravishda intizomiy jazoga 
tortiladi.