Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Harbiy xizmatni o‘tash tartibiga qarshi jinoyatlar (harbiy 
jinoyatlar)
deganda, JK VII bo‘limida keltirilgan, chaqiruv bo‘yicha 
(muddatli harbiy xizmat, safarbarlik chaqiruv rezervidagi yoki muqobil 
xizmat) yoki kontrakt (shartnoma) bo‘yicha O‘zbekiston Respublikasi 
Qurolli Kuchlarida, O‘zbekiston Respublikasining boshqa harbiy 
tuzilmalarida harbiy xizmatni o‘tayotgan harbiylar tomonidan, shuningdek, 
zaxiradagi harbiy xizmatga majbur shaxslar tomonidan ular harbiy 
yig’inlarda ishtirok etayotgan chog’larida o‘rnatilgan tartibdagi harbiy 
xizmatni o‘tashga qarshi jinoyatlar tushuniladi. 
O‘zbekiston Respublikasi 2002 yil 12 dekabrdagi «Umumiy harbiy 
majburiyat va harbiy xizmat to‘g’risida»gi 436-II-sonli Qonunining 4-
moddasida harbiy xizmatning quyidagi turlari ko‘rsatilgan: 
– muddatli harbiy xizmat; 
– safarbarlik chaqiruvi rezervidagi harbiy xizmat; 
– kontrakt (shartnoma) bo‘yicha harbiy xizmat; 
– O‘zbekiston Respublikasi Qurolli Kuchlari safida harbiy xizmatni 
o‘tagan rezervchilar xizmati. 
270 

---

Muddatli harbiy xizmat
– chaqirilish yoshidagi fuqarolarning oddiy 
askarlar va serjantlar tarkibi lavozimlarida, shuningdek, muqaddam harbiy 
xizmatni o‘tamagan ofitserlarning qonun hujjatlarida belgilangan muddat 
mobaynida Qurolli Kuchlar safidagi majburiy xizmatidir. 
Muddatli harbiy xizmatni o‘tashga yaroqli hamda chaqirilish 
muddatini kechiktirish va chaqirilishdan ozod etilish huquqiga ega 
bo‘lmagan, biroq Qurolli Kuchlar safiga navbatdagi muddatga chaqi-
rilmagan shaxslar safarbarlik chaqiruvi rezervi safiga olinadilar. 
Safarbarlik chaqiruvi rezervi xizmati
hududiy prinsip asosida 
oylik yig’inlar tarzida tashkil etiladi hamda chaqiriluvchilar tomonidan 
O‘zbekiston Respublikasi Moliya vazirligining maxsus hisobvarag’iga pul 
badallari kiritilishini nazarda tutadi.