Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Elektron hisoblash mashinalari, elektron hisoblash mashinalari 
tizimi yoki ularning tarmoqlari ishining buzilishi
EHM yoki uning 
qurilmalari bilan nostandart vaziyat yuzaga kelishidan iborat bo‘lib, bunda 
ularning normal faoliyat ko‘rsatishiga vaqtinchalik yoki turg’un xalaqitlar 
(ishning sekinlashuvi yoki ishdan chiqarish) yaratiladi, lekin EHM, EHM 
tizimi yoki ularning tarmoqlarining moddiy yaxlitligiga daxl etilmaydi. 
Masalan, axborot qurilmasining ishidagi nosozliklar, axborotni berishni 
rad etish, buzib ko‘rsatilgan axborotni berish va h.k. Agar zikr etilgan 
nosozliklar bilan bir qatorda kompyuter qurilmasining moddiy buyum 
sifatidagi yaxlitligining buzilishi ham yuz bergan bo‘lsa, qilmish jinoyatlar 
majmui bo‘yicha JK 173-moddasi (Mulkni qasddan nobud qilish yoki 
unga zarar yetkazish) bilan kvalifikatsiya qilinadi.
242 

---

JK 278
2
-moddasi 1-qismi
dispozitsiyasida ko‘rsatilgan oqibat-
larning o‘ziga xos xususiyati shu bilan belgilanadiki, shaxs kompyuter 
axborotidan qonunga xilof ravishda (ruxsatsiz) foydalanishga doir ayni bir 
harakatlarni sodir etishi ba’zan turli jinoiy natijalarga olib keladi. Odatda, 
bu kompyuter axborotining muhofaza qilinishiga, hisoblash tizimining 
ishonchlilik darajasiga, hisoblash tizimining boshqa tizimlar bilan 
aloqasiga va boshqa shunga o‘xshash omillarga bog’liq bo‘ladi. Zanjir 
reaksiya yuz berishi, ya’ni bir jinoiy natija boshqa jinoiy natija kelib 
chiqishiga sabab bo‘lishi ham mumkin.
Shuni hisobga olish lozimki, kompyuter axborotidan qonunga xilof 
ravishda (ruxsatsiz) foydalanish boshqa jinoyatni qasddan sodir etish usuli 
sifatida amal qilgan, EHMdan esa, jinoiy niyatni amalga oshirish quroli 
sifatida foydalanilgan bo‘lsa, qilmish JK tegishli moddasi bo‘yicha 
kvalifikatsiya qilinishi lozim. Masalan, ko‘rib chiqilgan oqibatlar 
kompyuter axborotidan qonunga xilof ravishda (ruxsatsiz) foydalanishdan 
keyin amalga oshirilgan mazkur axborotga o‘zgacha usulda qasddan ta’sir 
ko‘rsatish natijasida yuz bergan bo‘lsa, qilmish qonunda ko‘rsatilgan 
belgilar mavjud bo‘lgan taqdirda JK 278
4
-moddasi (Kompyuter axborotini 
modifikatsiyalashtirish) yoki JK 278
5
-moddasi (Kompyuter sabotaji) 
bo‘yicha kvalifikatsiya qilinishi lozim.