Fuqarolik jamiyati taraqqiyotida

 
 
 
 
 
 
 
 
 

---

55 
IV-BOB. SAYLOV HUQUQI ERKINLIGI – FUQAROLIK 
JAMIYATINING MUHIM MEZONI
Saylov – bu mamlakatimizda amalda bo’lgan huquqiy 
me’yorlarning nechog’liq demokratik ruhda ekanini 
namoyon etadigan, demokratik huquqiy davlatning uzviy belgisi, xalqning o’z 
xohish-irodasini erkin ifoda etishining, fuqarolarning davlat va jamiyat 
boshqaruvidagi ishtirokining asosiy shakli bo’lib, o’ta muhim va hal qiluvchi 
ahamiyatga ega masaladir[10; 35-б.]. 
Saylovlar – bu fuqarolarning ijtimoiy-siyosiy faolligini oshirishga xizmat 
qiladigan demokratiyaning darajasi va ko’rsatgichidir. Mazkur demokratik jarayon 
nafaqat muayyan nomzodning saylanishi yoki tegishli davlat vakillik organlarining 
shakllantirilishi bilan cheklanadi balki, u fuqarolarning siyosiy-huquqiy faolligini 
yuksaltirishga, mamlakatdagi fikrlar xilma-xilligini ta’minlashga, insonlarning 
Vatan, ona yurt taqdiriga, rivojiga, taraqqiyotiga nisbatan daxldorlik hissini yanada 
yuksaltirishga xizmat qiladi. 
Saylovlar kishilik jamiyatining bir necha asrlik tarixiy rivojlanish mahsuli 
bo’lib, davlat va jamiyatning takomillashgan modellarini shakllantirish maqsadida 
paydo bo’lgan institutdir. Hozirgi davrga kelib, dunyoning aksariyat 
mamalakatlarida davlat hokimiyati va o’zini o’zi boshqarish organlarini 
shakllantirish bilan bog’liq bo’lgan demokratik saylovlar siyosiy tizimning ajralmas 
tarkibiy qismiga aylanib bo’ldi. Turli mamlakatlardagi huquqiy davlat va fuqarolik 
jamiyatining rivojlanish darajasini ularda o’tkaziladigan saylovlarga, saylovlardagi 
aholining ijtirokiga, saylovlarning saviyasiga ko’ra belgilanadi[32; 25-б.]. Bundan 
tashqari mamlakatdagi tinchlik, barqarorlik hukm surishi va shaxs, jamiyat, davlat 
xavfsizligining ta’minlanishi demokratik saylov tamoyillarining qay darajada 
ro’yobga chiqishiga ham bevosita bog’liqdir.