Луғат. Тузувчилар: Абулқосимов Ҳ. П., Абулқосимов М.Ҳ

Бошқарувнинг мақсади
– меҳнатнинг кутилган пировард 
натижасидир. Менежмент соҳасидаги йирик олим П.Ф. 
Друкернинг фикрига кўра, бошқарув шундай бир ўзига хос 
фаолият тури бўлиб, унинг ёрдамида уюшмаган оломон, 
самарали, аниқ йўналтирилган мақсадга эга бўлган гуруҳга 
айланади. 
Бошқарув 
ижтимоий 
ўзгаришларнинг 
рағбатлантирувчи унсури ва ўз навбатида йирик ижтимоий 
ўзгаришларнинг мисоли бўлиб ҳизмат қилади.
Бракераж
– товарнинг сифати, безатилиши ва 
транспортбоп қилиб ўралиши белгиланган стандарт ёки 
шартнома шартларига мос келишини текшириш. Бракераж 
махсус давлат ташкилотлари ёки ҳакам брокерлар томонидан 
бажарилади. 
Брокер (маклер)лар
– бу товар, фонд ва валюта 
биржаларида олди-сотди битимларини тузишда воситачилик 
қиладиган шахс ёки махсус фирма. Улар одатда мижозлар 
топшириғига кўра ва унинг номидан иш юритади, кафолат 
берувчи ҳисобига ўз номидан савдо битимлари тузиши ҳам 
мумкин. 
Брутто (итал. “brutto” - сопол)
- товарларнинг идиши 
ёки ўрови билан биргаликдаги оғирлиги. Товарларнинг бундай 
оғирлиги баъзи ҳолларда зарур бўлсада, лекин товарнинг соф 
оғирлиги ҳақида аниқ маълумот беролмайди. Бунинг учун 
товарнинг соф оғирлиги (нетто)ни аниқлаш лозим. 
Бутун жаҳон банки гуруҳи –
қуйидаги тўрт муассасадан 
ташкил топган: 1945 йилда ташкил топган ҳалқаро 

---

- 63 - 
Ривожланиш ва тараққиёт банки; 1956 йилда таъсис этилган 
ҳалқаро молия корпорацияси; 1960 йилда асос солинган 
ҳалқаро Тараққиёт ассоциацияси ва 1988 йилда тузилган 
Сармоялар кафолати бўйича кўп тамонлама агентлик. Ушбу 
институтларнинг умумий мақсади – ночор мамлакатлар 
иқтисодиётини мустаҳкамлаш ва ривожлантириш орқали 
дунёда қашшоқлик даражасини камайтириш, инсонлар 
ҳаётини фаровонлаштиришдан иборат. Банкнинг раҳбар орган 
бошқарув кенгаши бўлиб, унинг таркибига барча иштирокчи 
давлатлар киради. Умумий характердаги операцияларни 
амалга ошириш банк президенти раислигида ижрочи 
директорлар Кенгашига топширилган. Бутунжаҳон банкининг 
асосий нашрларидан бири йилига бир марта чиқадиган “Дунё 
тараққиёти тўғрисида маъруза” дир (World Development 
Report).