Луғат. Тузувчилар: Абулқосимов Ҳ. П., Абулқосимов М.Ҳ

Бутунжаҳон почта иттифоқи –
1874 йилда Берн 
шартномасига кўра таъсис этилган. 1948 йилдан БМТнинг 
ихтисослаштирилган муассаси ҳисобланади. Бутунжаҳон 
почта иттифоқи почта хизматининг ривожланишида етакчи 
ўрин тутади. 189 аъзо давлатларни бирлаштириб, почта 
хизматларининг ўзаро ҳамкорлигини таъминлашда муҳум 
ўрин тутади. Воситачи сифатида маслаҳат беради, техник 
ёрдам кўрсатади. Унинг асосий вазифаларига бутун дунё 

---

- 66 - 
почта хизмати ривожига кўмаклашиш, почта жўнатмалари 
миқдорини 
замонавий 
воситалар 
ёрдамида 
ошириш, 
мижозларга кўрсатиладиган почта хизматларини сифатини 
яхшилаш киради. Шу билан бирга, мазкур иттифоқ дунёнинг 
барча халқлари ўртасидаги алоқаларнинг такомиллашувига 
хизмат қилади. Бутунжаҳон почта иттифоқи тариф ставкалар, 
шунингдек, ахборотларни қабул қилиш шартларини, 
шошилинч ва оддий хат, аэрограмма, откритка, матбуот 
материаллари ва кичик бандеролар ҳажми, миқдори ва 
оғирлигини белгилайди. Ушбу ташкилотнинг олий органи 
бутунжаҳон почта конгресси ҳисобланади. Конгресс ҳар беш 
йилда бир марта чақирилиб, иттифоқ фаолиятининг умумий 
дастурини белгилайди, унинг бюджетини тасдиқлайди. 
Марказий аппарат 151 кишидан иборат.
 Буфер заҳиралари
— салбий иқтисодий тамойилларнинг 
миллий иқтисодиётга таъсири ва фавқулодда вазиятлар учун 
моддий бойликларнинг жами. 
Бухгалтер 
- бухгалтерия ҳисоби бўйича мутахассис, 
«бухгалтер» сўзи биринчи марта XV асрда пайдо бўлган. 
Бухгалтер мутахассислигига биринчи марта «Инсбруг» ҳисоб 
палатаси иш юритувчиси Кристофор Штехер эга бўлган. 
Умуман, бухгалтер маълум бир ҳуқуқ ва мажбуриятларга эга 
бўлган ходим ҳисобланади. Бухгалтер аниқ бир иш ва маълум 
хўжалик фаолиятининг ҳисоби ва назоратини олиб боради. 
Лавозими ва бажараётган ишига кўра, бухгалтер катта ва бош 
бухгалтер бўлиши мумкин. Катта бухгалтер бухгалтериянинг 
бир бўлимини бошқарса, бош бухгалтер хўжалик юритувчи 
субъектнинг бухгалтерияси фаолиятини бошқаради. 
Бухгалтерия 
- бухгалтерия ҳисобини ташкил этадиган ва 
олиб борувчи аппарат. Бухгалтерия мустақил бўлим бўлиб, 
корхонанинг бошқа 
бўлимлари 
таркибига 
кирмайди. 
Бухгалтерияни бош бухгалтер, агар бош бухгалтер лавозими 
белгиланмаган бўлса, катта бухгалтер бошқаради. Бухгалтерия 
бўлими бухгалтерия ҳисобини ташкил этиши ва олиб бориши 
лозим, 
хўжалик 
жараёнларининг 
қонунийлиги 
ва 

---

- 67 - 
мақсадлилигини назорат қилиш, ҳисобот тузиш, молиявий 
қонунларга бўйсунишини таъминлаши ва бошқа вазифаларни 
бажариши лозим.