Ma’ruza matni

MA‘RUZA MASHG‘ULOTLARI. 
151 
Tajribani o‘rganish va umumlashtirish guruhlardagi tarbiyaviy ishlar holatini tizimli tarzda 
tahlil qilishni nazarda tutadi. Tajribani o‘rganishning asosiy yullaridan biri guruhlarga rejali tarzda 
kirish va pedagogik jarayon hamda kun tartibi jarayonlarining turli jihatlarini kuzatishdir. Ana shu 
kuzatishlar asosida tarbiyachining ishi, bolalarning xatti-harakatlari va xilmaxil faoliyatlari haqida 
tasavvur paydo bo‘ladi. 
Uslubchining kuzatishlari maxsus daftarda qayd etiladi. 
Pedagogik kabinetning ishi 
Pedagogika kabineti
— maktabgacha ta‘lim muassasasidagi butun uslubiy ishlarning markazi 
hisoblanadi.
Pedagogik jarayonni uyushtirish, ota-onalar bilan ishlash, xodimlar pedagogik mahoratini 
oshirish va o‘z ustida mustaqil ishlari va o‘qishini tashkil qilishda, tarbiyachilarga amaliy yordam 
ko‘rsatish borasida pedagogika kabineti yetakchi o‘rin tutadi. 
Pedagogika kabineti maktabgacha ta‘lim muassasasi qaror topgan an‘ana va to‘plangan tajriba 
jamlanadigan joydir. Uslubchining vazifasi — ana shu an‘ana va tajribani aniq va tushunarli 
ifodalab, har bir tarbiyachi ongiga singdirishga, bolalar bilan ishlashda ularni ijodiy qo‘llashga 
o‘rgatishdir. 
Ilg‘or pedagogik tajribani umumlashtirish Pedagogika kabinetida to‘g‘ri yulga qo‘yilgan ish 
barcha xodimlarning metodik tayyorgarligini oshirishga, xususan, bolalarni har tomonlama 
rivojlantirish vazifalarini hal qiilishga yordam beradi. 
Pedagogik kabinetining asosiy vazifasi
— maktabgacha ta‘lim muassasasi tarbiyachilariga 
metodik yordam ko‘rsatish, ularning g‘oyaviy-siyosiy va ilmiy-metodik saviyasi, pedagogik 
mahoratining o‘sishi, o‘z faoliyatini ilmiy asosda tashkil qilishida tegishli shart-sharoit yaratishdir. 
Buning uchun uslubchi tomonidan tayyorlangan materiallar mazmunan boy, puxta-pishshiq 
o‘ylangan va muayyan tizimga solingan bo‘lishi kerak. 
Pedagogika kabinetida tarbiyachilarni mavjud materiallar bilan tanishtirish, ilg‘or tajribani 
ommalashtirish maqsadida «axborot xizmati» uyushtiriladi. Axborot xizmati doirasida kabinetni 
ijtimoiy-siyosiy va ma‘naviy-ma‘rifiy adabiyotlar, xilma-xil axborot byulletenlari bilan jixozlash, 
bolalar ta‘lim-tarbiyasiga doir masalalar bo‘yicha «axborot kunlari»ni o‘tkazish, «Metodik 
adabiyotlar yangiliklari», «Tajriba, muammo, amaliyot», «Metodik burchak» kabi stendlarni tashkil 
etish maqsadga muvofiqdir. 
Bundan tashqari, kabinetning uzluksiz ishlashini tashkil etish, tarbiyachilarga o‘z vaqtida 
uslubiy yordam kqrsatish maqsadida maktabgacha ta‘lim muassasasi mudiri bilan kelishgan holda 
navbatchilik uyushtirilishi mumkin. 
Muxtasar aytganda, pedagogika kabineti maktabgacha ta‘lim muassasasi uslubiy-metodik 
faoliyatining chinakam markaziga aylanishi zarur. Buning uchun uslubiyotchi tarbiyachilarning 
yaqin hamkoriga aylanishi, ularga kabinet xizmatidan, bu yerda saqlanayotgan o‘quv, ilmiy va 
uslubiy materiallardan samarali foydalanish ko‘nikmasini shakllantirishi zarur. Bu o‘rinda, ayniqsa, 
yosh tarbiyachilar bilan ishlashni yo‘lga kuyish muhim ahamiyat kasb etadi. Bu esa uslubchining 
bilimi, mahorati, tashkilotchilik qobiliyati va insoniy fazilatlariga ko‘p jihatdan bog‘liqdir.