Наргис Қосимова

Фототанлов ўтказиш.
Ижтимоий тармоқлардаги фойдаланувчилар ўз 
саҳифаларига суратларини қўйишни яхши кўришади. Сиз танлов 
ўтказсангиз, албатта йўналишингиздаги фотоларини электрон манзилингизга 
жўнатишлари ва ОАВ саҳифасининг “менга ёқади” тугмачасини босишлари 
зарур. Танлов шартларига «энг кўп овоз олган фотосурат ғолиб бўлади» 
банди киритилади. Фотосурати кўпроқ овоз йиғиши учун танлов 
иштирокчиси, албатта ОАВ саҳифасининг манзилини ўз яқинлари, 
дўстларига юборади ва улардан овоз беришни сўрайди. Бундай усул 
таҳририят саҳифасига кўпроқ фойдаланувчилар кириши имконини беради ва 
албатта оммалашади. 
Ижтимоий тармоқлардаги ОАВ саҳифаларида инфографиканинг 
ўрни. Инфографика
– бу ахборотни графика кўринишда узатиш демакдир. 

---

310 
Унинг асосини жадвал, графика, диаграмма, гистограмма, пиктограмма, 
инфокарт ташкил этади. Мазкур ахборот узатиш усули ўз тарихига эга бўлиб, 
эрамизнинг ХI –XVIII асрлардаёқ жуғрофий, математик, иқтисодий 
тадқиқотлар асосида исботлаш зарурати туфайли хариталар, жадваллар ва 
хронологик жадваллар кўринишида юзага келган. 
! 
Журналистикада матн ва графика орқали ахборот узатиш 
усулларидан биринчи бўлиб, 1982 йили “USA Today” газетасининг 
муҳаррирлари фойдалана бошлашди. Қисқа муддат ичида газетанинг адади 
1,5 баробарга ошган.
Оммавий 
ахборот 
воситалари 
ўз 
аудиториясига 
статистик 
маълумотларга бой бўлган ахборотни тақдим этишда уни инфографика 
шаклда бериши шак-шубҳасиз сайт фойдаланувчилари сонининг ошишига 
олиб келади. Хўш, инфографикани яратишда нималарга эътибор бериш 
керак? 
1.
Турли жанрларда берилаётган ахборотдаги энг қизиқарли 
фактлар, рақамлар, статистик маълумотларни топинг. 
2.
Сиз яратаётган инфографика аудиториянгизга мос бўлиши 
лозимлигини унутманг. 
3.
Инфографикани ясагач, унда интернетдаги сайт манзили ёки 
ижтимоий тармоқдаги саҳифанинг манзилини кўрсатинг.
4.
Инфографикани ОАВ саҳифасига жойлаштиринг ва унга 
берилган ҳаволани ўзингизнинг шахсий ижтимоий тармоқдаги саҳифангизда 
кўрсатинг. Бу дўстларингиз ва уларнинг дўстлари саҳифаларида ҳам ўз 
аксини топади ва таҳририят сайтига бир бора бўлса-да фойдаланувчиларнинг 
кириши учун қизиқиш уйғотади.