Наргис Қосимова

Биринчи қадам.
Мақбул ижтимоий тармоқда ўз саҳифасини яратган 
ОАВ йўналишига мос келувчи гуруҳ очиб, у ерда таҳририят йўналиши билан 
боғлиқ ҳар қандай масалаларни муҳокама этиши мумкин. Айнан гуруҳда 
ОАВ томонидан тадбирлар, акцияларни ўтказиш, ҳомий ва ҳамкор топиш 
мумкин. Гуруҳ очиш учун, аввало унга таҳририят йўналишига мос ном 
топинг. Ушбу ном ОАВ номи билан бир хил бўлиши ҳам мумкин. Бунинг 
учун бир нечта ном топиб, уни ОАВ саҳифасидаги муҳокама этишга 
қўйсангиз мақсадга мувофиқдир. Саҳифангиз «дўстлари» томонидан 
билдирилган фикрлар сизга энг яхшисини танлашда ёрдам беради.
Иккинчи қадам
. Гуруҳ аватари, яъни унинг йўналиши билан боғлиқ 
сурат. Аватар гуруҳлар рўйхати фойдаланувчи томонидан қараб 
чиқилаётганида ҳам бош саҳифада кўринади. Аксарият ҳолатларда одамлар 
гуруҳ ҳақида айнан унинг аватари орқали бирор-бир фикрга келишади. 
Аватарга: 
- логотип; 
- фотосурат; 
- матн; 
- расмни жойлаштириш мумкин. 
Учинчи қадам.
Гуруҳга албатта тадбир ташкилотчилари хусусида 
қисқача маълумотларни ҳам киритиш мақсадга мувофиқдир. Ўтказмоқчи 
бўлган тадбирингизнинг моҳияти ва унинг фойдали томонларини ҳам санаб 
ўтиш мумкин. Агарда уни ташкил этишда сизга кўнгиллиларнинг ёрдами 
керак бўлса, бу ёрдамни айнан гуруҳ аъзоларидан сўраш лозим. 

---

309 
Аксарият ҳолатларда гуруҳларда фақатгина тадбир номи ва унинг 
мақсади қисқача ёзилади. Фойдаланувчиларда айнан тадбирда қатнашишга 
истак уйғотилмайди. 
Агарда сиз ўз тадбирингизни пуллик қилмоқчи бўлсангиз (масалан, 
семинар-тренинглар) у нега бепул эмаслиги ҳақида изоҳ қолдиринг ва 
тренинг қатнашчиси қандай фойдага эга бўлишини тасвирланг. 
Унутманг!
Ижтимоий тармоқларда турли хил миш-мишлар тез 
тарқалади. Сиз ОАВга кўпроқ муштарийларини жалб этмоқчи бўлсангиз, 
ҳар бир ўтказилган тадбирдан сўнг унинг суратларини саҳифангизда 
жойлаштиргач, гуруҳ аҳзоларидан фикрларини айтишларини сўранг.
ОАВнинг ижтимоий тармоқдаги саҳифасида сўровлар, турли хил 
танловлар, овоз беришлар ўтказишингиз ҳам мумкин. 
Сўровлар бевосита таҳририят йўналишига боғлиқ бўлган масалада 
ўтказилади. Масалан, ОАВ экологик йўналишда лойиҳа тайёрлаши учун 
фуқароларнинг атроф-муҳитга бўлган муносабатини билиши зарур. Бунинг 
учун 10 тагача саволдан иборат сўровнома тузилиб, ОАВ саҳифасига 
жойлаштирилади. Олинган натижа объектив ҳолатни тасаввур этиш 
имконини беради. Демак, сўровлар орқали, аввало аудитория эҳтиёжларини 
тушунишга, ҳамжамиятларни яратиш ва ривожлантиришга, саҳифага 
кирувчилар сонини оширишга эришилади. 
Овоз бериш –
аудитория билан муносабатга киришишнинг энг яхши 
йўлидир. Сиз ўз аудиториянгиздан ОАВ йўналишига оид бирор-бир масала 
юзасидан фикрини сўрайсиз. Улар бу хусусида ўз фикрларини билдиришади 
ва қарор овоз бериш йўли орқали қабул қилинади.