Microsoft Word al adab oqshom ziyouz com doc

153-bob. Maqtash haqida 
 
336. Abu Bakra Nuffayyi' ibn Horis (r.a.) aytdi: "Rasuli amin (s.a.v.) huzurlarida bir kishi 
ustida gap bo'ldi va uni kimdir maqtadi. Shunda Rasululloh (s.a.v.): "Uni shunday 
maqtashing bilan bo'ynini uzib qo'yding", dedilar. Va shu gaplarini necha marta 
takrorladilarda, keyin: "Agar bittangiz bir birodarini (haqiqatdan bor bo'lgan xislatlari 
bilan) maqtamoqchi bo'lsa, mening fikrimcha, bu shunday odam, degan so'zni avval 
aytib qo'ysin. Chunki uning haqiqiy  
holini Alloh taolo o'zi biladi. Bandalar bir-birlarini Alloh taologa bu kishi albatta pok, deb 
hukm qilib bermoqlari durust emas", dedilar". 
 
337. Abu Muso (r.a.) aytdilar: "Rasululloh (s.a.v.) bir odam ikkinchi odamni oshirib 
maqtayotganini eshitsalar: "Sen u odamni halok qilding" yoki "Sen o'sha odamning 
belini sindirding", der edilar". 
 
338. Ibrohim Taymiy otalaridan rivoyat qildilar, u kishi: "Biz hz. Umar ibn Xattob 
oldilarida o'tirgan edik, shunda bir kishi ikkinchi kishini o'zining yuziga maqtadi. Hz. 
Umar: "Bu kishini sen halok etding. Alloh taolo seni ham halok etsin", deb duoibad 
qildilar". (Kishining yuziga maqtashda halokat borligi uchun hz. Umar u kishini duoibad 
qishdilar). 
 
 
339. Ibn Aslamiy ham otasidan rivoyat qilib, hz. Umarning shunday deganlarini xabar 
qildi: "Odamlarni oshirib maqtash ularni bo'g'izlashdir". Muhammad ibn Zayd bu 

---

Al-adab al-mufrad. Imom Ismoil al-Buxoriy 
 
 
www.ziyouz.com kutubxonasi 
55
so'zlarning ma'nosini tushuntirib: "Maqtalgan odam maqtovchining gapiga ishonib 
g'ururlanadi, o'ziga bino qo'ayadi va natijada halok bo'ladi", dedilar.