O’zbekiston respublikasi milliy gvardiyasi harbiy-texnik instituti

Adabiyotlar 
1.
Mirziyoyev Sh. Qonun ustuvorligi va inson manfaatlarini ta’minlash – yurt 
taraqqiyoti va xalq farovonligining garovi. – Toshkent: O’zbekiston, 2017. – 48 b.
2.
O’zbekiston Respublikasini yanada rivojlantirish bo’yicha Harakatlar 
strategiyasi to’g’risida. O’zbekiston Respublikasi Prezidentining farmoni. 2017 yil 7-
fevral PF-4947-son. O’zbekiston Respublikasi Qonun hujjatlari to’plami. 2017 yil, 6 
(766)-son. 70-modda. 
3.
O’zbekiston Respublikasi Konstitutsiyasi. – Toshkent: O’zbekiston, 2012. - 
40 bet.
4.
Tulepov A. Islom va aqidaparast oqimlar. – T.: Sharq, 2015. – 336 b.
5.
Ma’naviyat: asosiy tushunchalar izohli lug’ati. – Toshkent: G’ofur G’ulom 
nomidagi nashriyot-matbaa ijodiy uyi, 2009. - 760 b.
YOSHLARNI VATANGA SADOQAT, KELAJAK BUNYODKORI, 
FAROVON HAYOT QURUVCHISI EKANLIGINI ANGLASHIDA - 
“YOSHLARGA OID DAVLAT SIYOSAT”NING O’RNI VA AHAMIYATI
82
Hozirgi kunda O’zbekistonda 33 milliondan ortiq insonlar istiqomat qiladi. 
Ularning o’y-fikrlari, istak-xohishlari, maqsad va vazifalari, orzu-umidlari turlichadir. 
Mustaqil bo’lganligiga ko’p yillar bo’lmagan bo’lsa ham, O’zbekiston o’zi tanlagan 
yo’lidan og’ishmay bormoqda, deb ayta olamiz. Zero, yurtimiz tinch, osmonimiz 
musaffo, xalqimiz farovon hayot qurish baxtiga muyassar bo’ldi.
Mamlakatimiz fuqarolari ichida yoshlar salmoqli qismni tashkil etib, ularning 
shu yurt tinchligi, Vatanga sadoqat xissi, oilasiga va yaqinlariga nisbatan muhabbati 
nafaqat jamiyatimiz uchun zarur hisoblanadi, balki, yorug’ kelajagimiz poydevori 
hamdir. O’zbekiston yoshlari bugun ilm-fan, texnika, sport, madaniyat boshqa 
82
 
To’raboyeva Yayraxon Rustamjonovna, Xakimov Shaxbozbek Shavkatbek o’g’li - 
ToshDAU Andijon filiali

---

309 
ko’plab sohalarning yuksak cho’qqilarini zabt etmoqdalar. Shu bilan birga 
mamlakatimizda amalga oshirilayotgan tub islohotlar zamirida inson va uning 
manfaatlari mujassam ekan, bu jarayon uzluksiz davom etadi.
Dortmund texnika universiteti professori Gabrieli Mentgez mamlakatimiz 
ta’lim tizimida olib borilayotgan islohotlar bilan tanishib shunday degan edilar; 
“Mamlakatingizda iqtidorli o’qituvchi va talabalarni davlat tomonidan keng 
miqyosda qo’llab–quvvatlash tizimi samarali yo’lga qo’yilgan, imtiyozli 
stipendiyalar va mukofotlar joriy etilgan, ko’rik-tanlovlarni muntazaam o’tkazish 
yaxshi an’anaga aylangan” [1. 163 b]. 
2016 yil 24 avgustda Oliy Majlis tomonidan ma’qullangan “Yoshlarga oid 
davlat siyosati to’g’risida” O’zbekiston Respublikasining Qonuni qabul qilindi. 
Ushbu qonunning maqsadi, yoshlarni davlat va jamiyat oldidagi munosabatlarini 
tartibga solish bilan birga, yoshlarni ijtimoiy jihatdan shakllantirish va ularning 
intellektual, ijodiy va boshqa yo’nalishdagi salohiyatini kamol toptirish uchun shart-
sharoit yaratishni nazarda tutadigan ijtimoiy-iqtisodiy, tashkiliy va huquqiy chora 
tadbirlar tizimini ham takomillashtirishdan iboratdir. Ushbu qonun 33 moddadan 
iborat bo’lib, u O’zbkiston Respublikasi Birinchi Prezidenti Islom Karimov boshlab 
bergan yoshlarga oid davlat siyosatining davomi sifatida yangi bosqichga 
ko’tarilganligi, mohiyatan yoshlarni ijtimoiy-huquqiy, siyosiy-ma’naviy, intelektual, 
jismoniy va axloqiy jihatdan kamol topishiga ko’maklashishini nazarda tutadi [5]. 
Yoshlarga oid davlat siyosati yoshlarni ahloqiy negizlarini buzishga olib 
keladigan xatti-haratlardan, terrorizm va diniy ekstremizm, separatizm, zo’ravonlik 
va shavqatsizlik g’oyalaridan himoya qilish bilan birga, ushbu yot g’oyalarga qalqon 
bo’la oladigan vatanparvarlik tuyg’usini kamol toptirishga ham xizmat qiladi. 
Prezident Sh.Mirziyoyev ta’kidlaganlaridek: “Biz yoshlarga oid davlat 
siyosatini hech og’ishmasdan, qatiyat bilan davom ettiramiz. Nafaqat davom 
ettiramiz, balki, bu siyosatni eng ustivor vazifamiz sifatida bugun zamon talab 
qilayotgan yuksak darajaga ko’taramiz. Yoshlarimizni mustaqil fikrlaydigan, yuksak 
intelektual va ma’naviy salohiyatga ega bo’lib, dunyo miqyosida o’z tengdoshlariga 
hech qaysi sohada bo’sh kelmaydigan insonlar bo’lib kamol topishi, baxtli bo’lishi 

---

310 
uchun davlatimiz va jamiyatimizning bor kuch va imkoniyatlarini safarbar etamiz” 
[2.14]. 
Mamlakatimizda yoshlarni o’z bilimlari va ko’nikmalarini hayotda sinash, 
erkin fikr bildirish, rivojlangan mamlakatlar tajribalarini o’rganish uchun barcha 
sharoitlar mavjud. Shuningdek, yurt taraqqiyoti uchun muhim sanalgan 
innovatsiyalar va kreativ yondashuvlar asosida Xorazmiy va Mirzo Ulug’bek nomlari 
bilan ataladigan aniq fanlarga ixtisoslashgan maxsus maktablar ham tashkil 
etilmoqda.
Oliy ta’limni yanada takomillashtirish borasida ham ko’plab ishlar amalga 
oshirilmoqda. Jumladan, 2017-2021 yillarda Oliy ta’lim tizimini kompleks 
rivojlantirish dasturi qabul qilinganligi fikrimizni to’ldiradi [3.12,13]. 
Respublika Prezidenti Sh.Mirziyoyev yoshlarni har jihatdan qo’llab-quvvatlash 
borasida shunday degan edi; “Albatta biz mustaqil fikrlaydigan, zamonaviy bilim va 
kasb-hunarlarni egallagan, mustahkam hayotiy pozitsiyaga ega bo’lgan yoshlarni 
tarbiyalash bo’yicha katta ishlarni amalga oshirmoqdamiz. Ammo xolisona tan olib 
aytadigan bo’lsak, bugungi kunda butun dunyoda aholining, birinchi navbatda, 
yoshlarni ongi va qalbini egallashi uchun qanday keskin kurash borayotganini, diniy 
ekstremizm, terrorizm, giyohvandlik, “ommaviy madaniyat” kabi tahdidlar 
kuchayotganini xisobga oladigan bo’lsak, farzandlarimiz tarbiyasi, ma’naviy-ma’rifiy 
sohadagi ishlarimizni bir zum ham susaytirmasdan, aksincha, ularni yangi bosqichga 
ko’tarishimiz zarur” [4,17]. 
Xulosa o’rnida shuni aytishimiz mumkinki, O’zbekiston boy tarixga ega 
bo’lgan keng imkoniyatlar mamlakatidir. Bu Vatan dunyoda Imom Buxoriy, 
Xorazmiy, Mirzo Ulug’bek va boshqa minglab allomalarni yetishtirib, uning 
dovrug’ini butun olamga mashhur qila olgan mard, jasur o’g’lonlar yurtidir. Biz 
yoshlarimizni ayni globallashuv sharoitida yot g’oyalar ta’siridan qutqarishni, ularni 
Vatanga sadoqat, milliy iftihor, o’zligini topishlari uchun ko’maklashishimiz, ularga 
qanot bo’lishimiz kerak. Shundagina biz ko’zlagan ezgu maqsadlarimizga erishgan 
bo’lamiz. Buning uchun barcha imkoniyatlar davlatimiz tomonidan kafolatlangan. 

---

311 
Bizdan esa, faqat va faqat o’z yo’limizdan og’ishmay, o’zligimizni, milliy 
birligimizni asrab-avaylash talab etiladi.